ब्लँकेटरुपी ऊब मिळाल्याने त्यांचा चेहरा फुलला
शेरला परिवार : बसस्थानक, रेल्वे स्थानक आणि पदपथावर राबविला उपक्रम
महाराष्ट्र ३६० न्यूज नेटवर्क
पुणे : कोरोना आणि कडाक्याच्या थंडीपासून संरक्षण व्हावे यासाठी बसस्थानक, रेल्वे स्टेशन, पदपथावरील गरजूंना शेरला परिवाराच्या वतीने ब्लँकेट, एन-९५ मास्क, सॅनिटायजर देऊन आधार दिला.
ब्लँकेटरुपी ऊब मिळाल्याने त्यांनी शेरला परिवाराचे आभार मानले. त्यांच्या चेहऱ्यावरील आनंद पैशात मोजता येत नाही, अशी भावना शेरला परिवाराने व्यक्त केली.
गुलटेकडी एकता प्रतिष्ठान व भाजपा झोपडपट्टी आघाडीचे अध्यक्ष गणेश शेरला यांच्या वतीने गरजूंना ब्लँकेट, सॅनिटायझर व एन-९५मास्कचे वाटप करण्यात आले.
याप्रसंगी महिला अध्यक्ष स्वाती शेरला, डॉ. प्रसाद खंडागळे, रोहन कोतुरे, सागर निंबाळकर, प्रमोद पडवळ, महेश सांळुके, राहुल जाधव व प्रतिष्ठानचे पदाधिकारी उपस्थित होते.
