जीतो युथ प्रीमियर लीग 2024″ स्पर्धेची शानदार समाप्ती

महाराष्ट्र न्यूज नेटवर्क मिडिया पार्टनर

महाराष्ट्र जैन वार्ता

पुणे : जीतो युथ प्रीमियर लीग 2024 (JYPL) स्पर्धेत चुरशीच्या सामन्यांत “शनय प्रकल्प फाल्कन्सने” पुरुष गटात विजयी होऊन विजेतेपद आपल्या नावावर केले. तर महिला गटात “ग्लूटा चार्जर्स” या संघाने विजय मिळवला.जीतो युथ प्रीमियर लीग 2024″ स्पर्धेचा शानदार समारोप रविवार दि. 10 ऑक्टोबर रोजी झाला.

तीन दिवस चाललेल्या या स्पर्धेत युवकांनी उत्कृष्ट कामगिरी दाखवून आपल्या संघांना विजयासाठी पुढे नेले. जीतो युथ प्रीमियर लीग 2024 ने युवा खेळाडूंना त्यांच्या कौशल्यांचा विकास करण्यासाठी एक महत्त्वाचे व्यासपीठ दिले आणि त्यांच्या ध्येयाच्या दिशेने प्रेरित केले.

महिला आणि पुरुष दोन्ही गटांमध्ये चुरशीच्या सामन्यांनंतर “शनय प्रकल्प फाल्कन्सने” पुरुष गटात विजयी होऊन विजेतेपद आपल्या नावावर केले. तर महिला गटात “ग्लूटा चार्जर्स” या संघाने विजय मिळवला.

महिला गटातील खेळाडूंनीही उत्कृष्ट कामगिरी दाखवत आपापल्या संघासाठी नवनवीन उच्चांक गाठले. सर्वोत्कृष्ट फलंदाज म्हणून ‘परमार क्वीन्स’ च्या समिक्षा छाजेड यांनी 75 धावांची तडफदार खेळी करून या सन्मानावर नाव कोरले.

त्यांच्या तडाखेबाज फलंदाजीमुळे संघाला उर्जित स्थितीत येण्यासाठी खूप मदत झाली. त्यानंतर सर्वोत्कृष्ट गोलंदाज म्हणून ‘ग्लूटा चार्जर्स’ संघाच्या साक्षी जैन यांनी अविश्वसनीय 6 विकेट्स घेऊन हा सन्मान मिळवला. त्यांच्या गोलंदाजीने प्रतिस्पर्ध्यांना अडचणीत टाकले आणि संघाला महत्त्वाची आघाडी मिळवून दिली.

पुरुष संघामध्ये उत्तम कामगिरी करत सर्वोत्कृष्ट फलंदाज म्हणून ‘मर्काडो मार्व्हल्स’ च्या ऋषभ जैन यांनी 177 धावांची वादळी खेळी करत उत्कृष्ट फलंदाजाचा पुरस्कार जिंकला. त्यांच्या खेळातील स्थिरता आणि फिनिशिंग क्षमतेमुळे मर्काडो मार्व्हल्सला संपूर्ण स्पर्धेत मजबूत स्थितीत राहण्यास मदत मिळाली.

सर्वोत्कृष्ट गोलंदाज म्हणून ‘शनय प्रकल्प’ संघाच्या श्रेयन जैन यांनी 7 विकेट्स घेत आपल्या संघाला मोठे यश मिळवून दिले. त्यांची जलद गोलंदाजी आणि अचूकतेने खेळाचा मोहरा बदलला आणि संघाला विजयाचा मार्ग प्रशस्त केला.

जीतो युथ प्रीमिअर लीग 2024 स्पर्धेच्या या समरोप सोहळ्याला जीतो पुणेचे अध्यक्ष इंदरकुमार छाजेड, व्हॉइस चेअरमन चेतन भंडारी, मुख्य सचिव दिनेश ओसवाल, खजिनदार दिलीप जैन, अमोल कुचेरिया, आनंद चोरडिया, अ‍ॅपेक्सचे डायरेक्टर प्रियंका परमार, जीतो पुणे वुमन विंगच्या अध्यक्षा पूनम ओसवाल, जीतो पुणे युथ विंगचे अध्यक्ष गौरव बाठिया, मुख्य सचिव सुयोग बोरा, मुख्य सचिव निकुंज ओसवाल, स्पर्धेचे समन्वयक ऋषभ दुगड व सहसमन्वयक अभिषेक मुथा तसेच मुख्य टायटल प्रायोजक रविंद्र दुग्गड, सह-टायटल प्रायोजक चेतन जैन, किट प्रायोजक उमेश बोरा आदी मान्यवर उपस्थित होते.

जीतो युथ प्रीमियर लीग 2024 ही स्पर्धा केवळ एक क्रीडा उपक्रम नव्हती, तर तरुणाईला प्रोत्साहित करणारा एक सृजनशील उपक्रम होता. स्पर्धेच्या यशस्वी आयोजनासाठी JYPL समितीने उत्कृष्ट व्यवस्था केली. खेळाडूंना त्यांच्या कौशल्यांचा विकास करण्यासाठी आणि टीमवर्कच्या संकल्पनांना महत्त्व देण्यासाठी ही स्पर्धा विशेष ठरली आहे.