महाराष्ट्र विद्यालयात नवीन विद्यार्थ्यांचे ढोल ताशा वाजवून स्वागत
शाळेचा पहिला दिवस आनंदाचा
महाराष्ट्र न्यूज नेटवर्क
बार्शी : बार्शी येथील महाराष्ट्र विद्यालय मध्ये शाळेच्या पहिली दिवशी इयत्ता पाचवी व इयत्ता आठवी मध्ये नव्याने प्रवेश घेतलेल्या विद्यार्थ्यांचे ढोल ताशा वाजवत स्वागत करण्यात आले.
या स्वागत कार्यक्रमाचे अध्यक्ष म्हणून श्री शिवाजी शिक्षण प्रसारक मंडळ बार्शी संस्थेचे सचिव पी. टी. पाटील हे होते सोबत संस्थेचे खजिनदार जयकुमार शितोळे हे ही उपस्थित होते. प्रारंभी छत्रपती शिवाजी महाराज व डॉ. मामासाहेब जगदाळे यांच्या प्रतिमेचे पूजन मान्यवरांच्या हस्ते करण्यात आले.
प्रास्ताविक विद्यालयाच्या प्राचार्या के. डी. धावणे यांनी केले.यानंतर कार्यक्रमात सर्व मान्यवरांच्या हस्ते नवीन प्रवेश घेतलेल्या विद्यार्थ्यांना गुलाब पुष्प व पुस्तके देऊन त्यांचे स्वागत करण्यात आले. तसेच प्रतिनिधिक स्वरूपात काही पालकांचा देखील गुलाब पुष्प देऊन स्वागत करण्यात आले. संस्थेचे खजिनदार जयकुमार शितोळे यांनी विद्यार्थ्यांना मानसिक स्वास्थ विषयी मार्गदर्शन केले.
संस्थेचे सचिव पी.टी. पाटील यांनी आपले मनोगत व्यक्त करताना विद्यार्थ्यांनी शाळेतील आपले वर्तन कसे असावे याबद्दल मार्गदर्शन केले. या कार्यक्रम प्रसंगी विद्यालयाच्या प्राचार्या के. डी. धावणे, मुख्याध्यापक आर. बी. सपताळे, विद्यालयाचे पर्यवेक्षक. एस. सी. महामुनी, पर्यवेक्षिका एन. बी. साठे, अनिल पाटील, सर्व शिक्षक व शिक्षकेतर कर्मचारी उपस्थित होते. कार्यक्रमाचे सूत्रसंचालन आनंद कसबे यांनी केले तर आभार प्रदर्शन एन.बी. साठे यांनी केले.
