शिवजयंतीनिमित्त बार्शीत स्वच्छता मोहीम
वृक्ष संवर्धन समितीचा स्तुत्य उपक्रम
महाराष्ट्र न्यूज नेटवर्क : पवन श्रीश्रीमाळ
बार्शी : वृक्ष संवर्धन समितीच्या वतीने शिवजयंतीचे औचित्य साधून श्री शिवाजी महाविद्यालय परिसरात असलेल्या छत्रपती शिवरायांच्या अश्वारूढ पुतळ्यासमोरील परिसरात स्वच्छता मोहीम राबवली.
तीन दिवस चाललेल्या या मोहिमेत सर्व परिसर साफ करण्यात आला. समोरील रस्ता स्वच्छ करून तसेच रस्त्यावरील दुभाजकात वाढलेले गवत काढून हा सर्व परिसर स्वच्छ करण्यात आला.
वृक्ष संवर्धन समितीकडून तीन वर्षापासून या स्वच्छता मोहिमेचे आयोजन शिवजयंतीच्या निमित्ताने करण्यात येते. गुरुवारी या मोहिमेची सांगता छत्रपती शिवरायांच्या अश्वारूढ पुतळ्याला जलाभिषेक घालून करण्यात आली.
गेली पाच वर्ष वृक्ष संवर्धन समिती शहर आणि परिसरात झाडे लावून ती संवर्धित करत आहे. तसेच विविध महापुरुषांच्या जयंती निमित्त स्वच्छता मोहीम राबवून महापुरुषांना अनोखी आदरांजली समितीकडून वाहण्यात येते.
या स्वच्छता मोहिमेत बार्शी शहरातील विविध संघटना शिवप्रेमी नागरिक मोठ्या संख्येने उपस्थित होते. या कामात बार्शी नगरपालिकेने देखील मोलाचे सहकार्य केले.
ही मोहीम यशस्वी करण्यासाठी वृक्ष संवर्धन समितीचे अध्यक्ष उमेश काळे, बार्शी नगरपालिकेचे आरोग्य अधिकारी शब्बीर वस्ताद, अतुल पाडे, राहुल तावरे, उमेश नलवडे,राणा देशमुख,डॉ.सचिन चव्हाण, अक्षय घोडके, योगेश गाडे समर्थ काळे, समर्थ तुपे चंद्रकांत चोबे, अक्षय भोईटे, गणेश कदम, आनंद धुमाळ, ओंकार राजमाने, अजित नडगिरे, संतोषकुमार गायकवाड, महेश बकशेट्टी, यश कदम, अमृत खेडकर, सायरा मुल्ला, अनुसया आगलावे, सुनील फल्ले, प्रज्वल मोरे यांनी परिश्रम घेतले.
