सात नराधमांना केले जेरबंद : पुण्यातील वानवडी पोलीस ठाण्यात गुन्हा दाखल
पुणे : महाराष्ट्र ३६० न्यूज नेटवर्क
बाप रे… पुणे हादरलं… पुणे रेल्वे स्थानक परिसरातून अल्पवयीन मुलीचे अपहरण करून रेल्वेतील दोन कर्मचारी तसेच रिक्षा चालकांनी तिच्यावर सामूहिक बलात्कार केल्याचा खळबळजनक प्रकार उघडकीस आला आहे. या घटनेने जिल्ह्यात खळबळ उडाली आहे. पोलीसांनी सात आरोपींना अटक केली आहे.
याप्रकरणी पुण्यातील वानवडी पोलीस ठाण्यात गुन्हा दाखल करण्यात आला आहे. याप्रकरणी पिडीत मुलीने तक्रार दिली आहे.
पोलिसांनी सांगितले की, 31 ऑगस्ट ते 1 सप्टेंबर या कालावधीत हा प्रकार घडला आहे. पिडीत मुलगी 31 ऑगस्ट रोजी गावी जाण्यासाठी पुणे रेल्वे स्थानक परिसरात आली होती. रात्री तिला आरोपींनी आता गाडी नाही. गावी कशी जाणार असे म्हणत आम्ही तुझी राहण्याची व्यवस्था करतो, असे सांगून बाहेर आणले. तिचे अपहरण करून तिला वानवडी परिसरात नेले. त्या ठिकाणी आरोपींनी रात्री तिच्यावर बलात्कार केला. तसेच, दुसऱ्या दिवशी देखील तिच्यावर बलात्कार करण्यात आला. एकूण सात आरोपींनी तिच्यावर बलात्कार केला.
दरम्यान, पीडित मुलीवरील बलात्काराचा प्रकार रविवारी (दि. ५ सप्टेंबर) उघडकीस आला आहे. त्यानंतर वानवडी पोलीसांनी तात्काळ या आरोपींचा शोध घेत त्यांना अटक देखील केली आहे. त्यावेळी यात दोन रेल्वेच्या कर्मचाऱ्यांचा समावेश असल्याचे समोर आले आहे. तर, इतर रिक्षा चालक आहेत. त्यांना सहाय्य करणाऱ्यांचादेखील पोलीस शोध घेत आहेत. याप्रकरणी आतापर्यंत सात आरोपींना अटक केली असल्याचे सांगण्यात आले आहे. यामध्ये 6 रिक्षा चालक आणि रेल्वेचे दोन चतुर्थ श्रेणी कर्मचारी आहेत.
गावी जाण्यासाठी पीडित मुलगी 31 तारखेला पुणे स्टेशन येथे आली होती. मात्र आता रात्री गाडी नसून तुझ्या राहण्याची व्यवस्था करतो असे सांगून रिक्षाचालकाने तिला विश्वासात घेतले. वानवडी येथे नेऊन तिच्यावर आळीपाळीने बलात्कार करण्यात आला. शहरातील वेगवेगळ्या ठिकाणी तिला फिरवले, आधी सहा रिक्षाचालक या बलात्कारात सहभागी होते. तसेच तिला तिथेच डांबून ठेवण्यात आल्याने एक सप्टेंबरला पुन्हा रेल्वेचे कर्मचारी असलेल्या दोन चतुर्थश्रेणी कामगारांनी तिच्यावर पुन्हा बलात्कार केला. पीडित अल्पवयीन मुलगी ही रुग्णालयात असून सध्या तिची परिस्थिती गंभीर परंतु स्थिर आहे. पीडित मुलगी इयता सातवीमध्ये शिकत आहे. तिच्या वडिलांनी मिसिंग तक्रार दाखल केली होती. या प्रकरणातील सात आरोपी अटकेत असून, इतरांचा शोध सुरू आहे.
आरोपींना 10 दिवसाची पोलीस कोठडी सुनावली आहे.
राज्याची सांस्कृतिक राजधानी असलेल्या शहरात एक संतापजनक आणि किळसवाणी घटना समोर आली आहे. काही नराधमांनी मिळून अल्पवयीन मुलीवर सामूहिक बलात्कार केल्याची प्रचंड संतापजनक घटना समोर आली आहे. या अशा घटनांमुळे या पुरोगामी महाराष्ट्राची नेमकी वाटचाल आता कोणत्या दिशेला होतेय? असा प्रश्न उपस्थित होतोय. महाराष्ट्राची एक वेगळी आणि चांगली अशी ओळख आहे. पण महाराष्ट्राच्या पोटात विशेषत: पुण्यात अशा प्रकारची घटना उघड झाल्याने मुलींच्या संरक्षणाचा प्रश्न पुन्हा एकदा ऐरणीवर आला आहे.
विशेष म्हणजे अवघ्या दहा दिवसांपूर्वीच पिंपरी चिंचवड येथून अशीच घटना समोर आली होती. दोन सराईत बाल गुन्हेगारांनी अल्पवयीन मुलीवर वांरवार सामूहिक बलात्कार केला होता. आरोपींनी पीडितेवर अत्याचार करताना मोबाईलमध्ये व्हिडीओ रेकॉर्ड केला होता. त्यानंतर ते मुलीला तो व्हिडीओ सोशल मीडियावर व्हायरल करण्याची धमकी द्यायचे. अशाच प्रकारची धमकी देवून त्यांनी पीडित अल्पवयीन मुलीवर अनेकदा सामूहिक बलात्कार केला. आरोपींकडून वारंवार होणाऱ्या त्रासाला कंटाळून पीडितेने आपल्या कुटुंबियांनी याबाबत तक्रार करु, असं सांगितलं असता आरोपींनी पीडितेला तिच्या कुटुंबियांना जीवे मारण्याची धमकी दिली. त्यामुळे पीडिता प्रचंड घाबरली होती.
