कै. हरिभाऊ अक्कलकोटे यांच्या प्रथम स्मृतिदिनानिमित्त बार्शी ट्रस्टला २१ सप्टेंबर रोजी देणार भेट
पवन श्रीश्रीमाळ
बार्शी : महाराष्ट्र ३६० न्यूज नेटवर्क
बार्शी : कै. हरिभाऊ अक्कलकोटे यांच्या प्रथम स्मृतिदिनानिमित्त २१ सप्टेंबर रोजी अक्कलकोटे परिवाराच्या वतीने १७वा पुट्ठा रोडगा रस्ता, बार्शी ट्रस्टला कार्डियाक ॲम्बुलन्सचे लोकार्पण करण्यात येणार असल्याचे विरोधीपक्षनेते नागेश अक्कलकोटे यांनी सांगितले.
कै. हरिभाऊ अक्कलकोटे यांच्या प्रथम पुण्यस्मरण दिनाचे औचित्य साधून अक्कलकोटे परिवाराच्या वतीने मंगळवारी (२१ सप्टेंबर) टाटा विंगर कंपनीची कार्डियाक ॲम्बुलन्सचे समारंभपूर्वक लोकार्पण आयोजित करण्यात आल्याची माहिती विरोधीपक्षनेते नागेश अक्कलकोटे यांनी दिली आहे.
माजी नगरसेविका श्रीमती सुशीला अक्कलकोटे यांचे पती व विरोधी पक्षनेते नागेश अक्कलकोटे यांचे वडील हरिभाऊ अक्कलकोटे यांच्या प्रथम पुण्यस्मरणाचे औचित्य साधून अक्कलकोटे परिवाराच्या वतीने श्री गणपती मंदिर देवस्थान १७ वा पुट्टा रोडगा रस्ता, बार्शी या नोंदणीकृत व पौराणिक पार्श्वभूमी असलेल्या ट्रस्टला कार्डियाक ॲम्बुलन्सचे देण्याचा निर्णय घेण्यात आला.
माजी मंत्री दिलीप सोपल यांच्या अध्यक्षतेखाली जिल्हाधिकारी मिलिंद शंभरकर, पोलीस अधीक्षक तेजस्वी सातपुते, ह.भ.प. डॉ. जयवंत बोधले यांच्या शुभहस्ते २१ सप्टेंबर २०२१ रोजी सायंकाळी सहा वाजता तेलगिरणी चौक, बार्शी या ठिकाणी हा सोहळा संपन्न होणार आहे. या सोहळ्यासाठी प्रांताधिकारी हेमंत निकम, पोलीस उपअधीक्षक अभिजित धाराशिवकर, महाहौसिंगचे माजी सहअध्यक्ष राजेंद्र मिरगणे, शिवसेना नेते भाऊसाहेब आंधळकर, तहसीलदार सुनील शेरखाने, पोलीस निरीक्षक रामदास शेळके, श्री शिवाजी शिक्षण प्रसारक मंडळाचे अध्यक्ष डॉ. बी. वाय. यादव, उपाध्यक्ष नंदन जगदाळे, नगरपरिषद मुख्याधिकारी अमिता दगडे पाटील, आयएमए अध्यक्ष डॉ. प्रशांत मोहिरे, कोविडयोद्धा डॉ. संजय अंधारे, मराठा एकता मंडळाचे अध्यक्ष डॉ. भरत गायकवाड, माजी नगराध्यक्ष मंगल शेळवणे, माजी नगराध्यक्ष गणेश जाधव, माजी नगराध्यक्ष दगडू मांगडे, माजी नगराध्यक्ष योगेश सोपल, माजी नगराध्यक्ष कादरभाई तांबोळी, माजी उपनगराध्यक्ष दत्तात्रय शिंदे, माजी उपनगराध्यक्ष राजाभाऊ रसाळ, माजी उपनगराध्यक्ष बाळासाहेब आडके, माजी उपनगराध्यक्ष राहुल कोंढारे, माजी उपनगराध्यक्ष अरुणा परांजपे, माजी उपनगराध्यक्ष माया माने, माजी उपनगराध्यक्ष संदीप बारंगुळे यांच्या उपस्थितीत हा सोहळा होत आहे.
या वेळी माजी नगरसेविका सुशीला अक्कलकोटे, श्री गणपती मंदिर देवस्थान १७ वा पुट्टा ट्रस्टचेअध्यक्ष बाळासाहेब आडके, गणेश अक्कलकोटे, चंद्रकांत अक्कलकोटे, महेश अक्कलकोटे, उमेश अक्कलकोटे, प्रशांत अक्कलकोटे, श्रीकांत अक्कलकोटे ट्रस्टचे बाळासाहेब श्रीश्रीमाळ, किशोर ढोले उपस्थित होते.
उपस्थित राहण्याचे आवाहन
सदर कार्डिया ॲम्बुलन्सचमध्ये व्हेंटिलेटरसह सर्व अत्याधुनिक सोयीसुविधा असणार आहेत. अक्कलकोटे परिवाराच्या वतीने श्री गणपती मंदिर देवस्थान १७वा पुट्ठा रोडगा रस्ता, बार्शी या ट्रस्टला सदर ॲम्बुलन्स देण्यात येणार आहे. यामुळे बार्शी व परिसरातील रुग्णांच्या सेवेसाठी अत्याधुनिक सोयी सुविधांसह ॲम्बुलन्सची भर पडत आहे. तरी कोरोना नियमांचे पालन करून उपस्थित राहण्याचे आवाहन अक्कलकोटे परिवाराने केले आहे.
