लिओ क्लब ऑफ बार्शी टाऊनच्या सहकार्याने सोलापूर रोड येथील लसीकरण शिबिर संपन्न

Spread the love

३६० नागरिकांचा सहभाग : आरोग्यसेविका आणि आशाताई यांना भेटवस्तूंचे वाटप

महाराष्ट्र ३६० न्यूज नेटवर्क

बार्शी : बार्शी शहरातील लिओ क्लब बार्शी टाऊन यांच्या सहकार्याने सोलापूर रोड भागात घेण्यात आलेल्या कोरोना प्रतिबंधक लसीकरण शिबिरात नागरिकांचा चांगला प्रतिसाद मिळाल्याने सुमारे ३६० जणांना लस देण्यात आली. या वेळी क्लबच्या वतीने आरोग्यसेविका व आशाताई यांना भेटवस्तू देऊन त्यांच्या कार्याचे कौतुक करण्यात आले.

लिओ क्लबच्या वतीने नागरिकांना कोरोनाविषयी लसीकरण मोहिमेची जनजागृती करण्यात आली, तसेच नागरिकांचे रजिस्ट्रेशन करून त्यांचे व्हेरिफिकेशन करून प्रमाणपत्र देणे आदी कामे क्लबच्या सदस्यांनी करून दिली. नोडल आरोग्य अधिकारी डॉ. सुधीर घोडके यांनी कोविशिल्ड लस उपलब्ध करून दिली, तसेच राष्ट्रीय नागरी शहरी आरोग्य सेविका रेखा जाधवर, स्वाती लोखंडे यांनी नागरिकांना लस देण्यासाठी कर्तव्य बजावले.

लसीकरण शिबिरासाठी लिओ क्लबचे अध्यक्ष पवन श्रीश्रीमाळ , सचिव आदित्य सोनिग्रा, उपाध्यक्ष यश मेहता, नगरसेवक बापू जाधव, प्रशांत माने, ॲड. भगवंत पाटील, उमेश नेवाळे, विजयराज घोंगडे, श्री पुट्टे , अमोल देशमाने तसेच लिओ क्लबचे सदस्य स्वराज लोखंडे, रोहन मुंढे, आवेश बंबोली, अश्वीन दोशी , सलोनी भाटे, गौरव डेडीया, डॉ. वत्सल राठोड, अक्षित परमार यांनी विशेष परिश्रम घेतले.

लायन क्लबचे रिझन चेअरमन आझम शेख, सोलापूर झोन चेअरमन ख्वाजा भाई शेख, लिओ क्लबचे सल्लागार ॲड. वासुदेव ढगे आणि बार्शी लायन टाऊन पदाधिकारी यांनी या लसीकरण शिबिराच्या ठिकाणी भेट दिली.

यावेळी आझम शेख म्हणाले की, कोरोना हा विषाणू आजार महाभयंकर असून कोरोनावर लस हा उत्तम पर्याय असून कोरोनाचा प्रादुर्भाव कमी होताना दिसून येत आहे. त्यामुळे जास्तीत जास्त नागरिकांनी लस घ्यावी. यावेळी शिबिरात काही नागरिकांना लसीचा पहिला, तर आधी पहिला डोस घेतलेल्या नागरिकांना दुसरा डोस देण्यात आला.

क्लबच्या वतीने आरोग्यसेविका व आशाताई यांना भेटवस्तू देऊन त्यांच्या कार्याचे कौतुक केले. कार्यक्रमाचे सूत्रसंचालन ॲड. भगवंत पाटील यांनी केले, तर लिओ सचिव आदित्य सोनिग्रा यांनी आभार मानले.

¨आपला रोड आपली जबाबदारी – लस आपल्या दारी°, या संकल्पनेने लसीकरण मोहीम राबवण्यात आली. या भागामध्ये ज्यांनी लसीकरण केले नाही, त्या नागरिकांना लसीकरणाचे महत्त्व पटवून त्यांना लसीकरणास आणणे, तसेच लसीकरणच्या रजिस्ट्रेशनसाठी काही अडचणी या भागामध्ये दिसून आल्या, त्या अनुषंगाने आम्ही या भागाकडे लक्ष दिले, यासाठी बार्शी आरोग्य विभाग, राष्ट्रीय शहरी आरोग्य अभियान, आशाताई सेविका यांचे मोलाचे सहकार्य लाभले.