सामाजिक सुरक्षा विभागाची कारवाई : दोन दलाल अटकेत, प्रसिद्ध अभिनेत्रीसह तिघींची सुटका
महाराष्ट्र ३६० न्यूज नेटवर्क
पुणे : पिंपरी-चिंचवड सामाजिक सुरक्षा विभागाने केलेल्या कारवाईमध्ये एका अभिनेत्रीसह तिघींची सुटका करण्यात आली. अभिनेत्रीकडून वेश्या व्यवसाय करुन घेतला जात असल्याची धक्कादायक घटना उघडकीस आली आहे. छत्तीसगडच्या अभिनेत्रीकडून पिंपरी चिंचवड शहरात वेश्या व्यवसाय केला जात होता. याबाबत दोन दलालांना पोलिसांनी अटक केली आहे. ही कारवाई ताथवडे येथील साई लॉजवर करण्यात आली.
जितेंद्र हस्तीमल बोकाडिया उर्फ हितेश हस्तीमलजी ओसवाल उर्फ महेश उर्फ विकी, हेमंत प्रणाबंधू साहू या दोन दलालांना अटक केली. तर मुकेश केशवाणी करण, युसूफ उर्फ लंगडा शेख यांच्या विरोधात वाकड पोलीस ठाण्यात गुन्हा दाखल करण्यात आला आहे.
छत्तीसगडच्या अभिनेत्रीकडून पिंपरी चिंचवड शहरातील लॉजवर वेश्या व्यवसाय करुन घेतला जात असल्याची माहिती पोलिसांना मिळाली होती. त्यानुसार पोलिसांनी पुणे-मुंबई महामार्गावरील ताथवडे येथील साई लॉजवर बनावट ग्राहक पाठवून सापळा रचला. ग्राहकाने इशारा केल्यानंतर पोलिसांनी लॉजवर छापा टाकला. आरोपी मोबोईलवरुन व्हॉट्सअ‍ॅप कॉल करुन वेगवेगळ्या लॉजवर मुली पाठवत होते. संबंधित मुली त्यांच्या नावावर हॉटेलमध्ये रुम बुक करत होते. पोलिसांनी या कारवाईत अभिनेत्रीसह तिघींची सुटका केली.
Latest Articles
