सहकारनगर पोलिसांची कामगिरी
महाराष्ट्र न्यूज नेटवर्क : अभिजित डुंगरवाल
पुणे : सामान्य जनतेचा, पक्षी-प्राण्यांसाठी जीवघेणा ठरणाऱ्या नायलॉन मांजाची विक्री करणाऱ्याला जेरबंद करण्यात यश आले आहे. सहकारनगर पोलिसांनी ही कामगिरी केली आहे.
वेदांत गाढवे, (वय १९ वर्षे, धंदा शिक्षण, रा. रुम नं.१६, गल्ली नं.२, शंकर महाराज वसाहत, धनकवडी) याला ताब्यात घेण्यात आले आहे. त्याच्या ताब्यातील पोत्याची झडती घेता त्याच्या घरामध्ये ४,४०० रुपये किमतीचा नायलॉन मांजा विक्री करीता बाळगलेला मिळून आल्याने हा मांजा जप्त करण्यात आला.
सहकारनगर पोलीस स्टेशन कडील अधिकारी व पोलीस अंमलदार हद्दीत पेट्रोलींग करत होते. पोलीस अंमलदार अमोल पवार यांना माहिती मिळाली की पुणे सातारा रोडवरील पंचवटी इमारती पाठीमागील कॅफे पिटर हॉटेल जवळ फुटपाथवर धनकवडी येथे एक व्यक्ती शासनाने बंदी घातलेल्या घातक अशा पतंगाच्या नायलॉन मांजाची बंडले विक्री करण्याकरिता आला आहे. ही माहिती प्राप्त होताच सहकारनगर पोलीस स्टेशनचे पोलीस निरीक्षक गुन्हे संदीप देशमाने यांच्या सुचनांप्रमाणे तपासपथकाकडील पोलीस उपनिरीक्षक राहुल खंडाळे व अंमलदार यांनी कॅफे पिटर हॉटेल धनकवडी जवळील परिसरात जाऊन मिळालेल्या माहितीच्या आधारे आरोपीला ताब्यात घेतले.
पुणे शहरात नववर्ष आगमन व संक्रात सण मोठ्या उत्सहात साजरा होतो त्या निमित्त मोठ्याप्रमाणात आकाशात पतंग उडविले जातात परंतू त्यासाठी घातक असा नायलॉन मांजा वापरण्यात येतो. नायलॉन मांजामुळे रोडवरून जाणा-या सामान्य नागरिकांना गंभीर दुखापती झाल्या आहेत तर कित्येक वेळा प्राणही गमवावे लागले आहे. झाडांमध्ये आडकलेल्या माज्यामुळे कित्येक वेळा पक्षांचे जीव धोक्यात आले आहेत. नायलॉन मांजावर न्यायालयाने बंदी घातलेली आहे. परंतु तरीही काहीजण अशा नायलॉन मांजाची बेकायदेशिर रित्या चोरून विक्री करतात त्याअनुशंगाने नायलॉन मांजाची चोरून विक्री करणा-या विक्रेत्यांवर कारवाई करण्याचे आदेश पोलीस आयुक्त रितेश कुमार यांनी दिले आहेत.
ही कामगिरी अपर पोलीस आयुक्त पश्चिम प्रादेशीक विभाग प्रविणकुमार पाटील, पोलीस उपायुक्त परिमंडळ-२, स्मार्तना पाटील, सहायक पोलीस आयुक्त, स्वारगेट विभाग नारायण शिरगावकर, वरिष्ठ पोलीस निरीक्षक सुरेंद्र माळाळे, संदीप देशमाने पोलीस निरीक्षक (गुन्हे) सहकारनगर पोलीस स्टेशन यांच्या मार्गदर्शनाखाली सहायक पोउपनिरीक्षक बापु खुटवड, महेश मंडलिक, विशाल वाघ, भुजंग इंगळे, निलेश शिवतरे, सुशांत फरांदे, सागर सुतकर, बजरंग पवार, नवनाथ शिंदे, सागर कुंभार यांनी केली आहे.
