आरोग्यमंत्री राजेश टोपे : प्रतिक फाउंडेशनचे नागरिकांच्या सेवेसाठी एक पाऊल पुढे…
महाराष्ट्र ३६० न्यूज
पुणे : महाराष्ट्रामध्ये पहिला-वहिला व्हॅक्सीन ऑन कॉल उपक्रम सुरू करून नागरिकांच्या आरोग्याप्रती एक पाऊल पुढे टाकून काम सुरू केले आहे. कोरोना महामारीमध्ये हा उपक्रम नागरिकांसाठी नक्कीच उपयुक्त ठरेल, असे प्रतिपादन आरोग्यमंत्री राजेश टोपे यांनी केले.
महाराष्ट्रातील पहिला ‘व्हॅक्सीन ऑन कॉल’ या अभिनव उपक्रमाचा शुभारंभ आरोग्यमंत्री राजेश टोपे यांच्या हस्ते आज (बुधवार, दि. १९ जानेवारी २०२२) प्रगती फाउंडेशन संचालित ’व्हॅक्सीन ऑन कॉल’ मुंबई येथे करण्यात आला. याप्रसंगी प्रतीक कदम, जिल्हा दक्षता व नियोजन समीतीचे सदस्य चेतन जेधे, अमोल जोशी, प्रणव कदम, अमित काळे, अक्षय काळे, गौरव कदम, सागर शेवाळे आदी मान्यवर उपस्थित होते.
आरोग्यमंत्री टोपे म्हणाले की, प्रतिक कदम आणि प्रगती फाउंडेशनचे समाजपयोगी कार्य आणि नागरिकांच्या आरोग्यासाठी राबवत असलेल्या विविध उपक्रमांची माहिती घेत कौतुक केले. सामाजिक कार्यासाठी लागेल, ती मदत करण्याची ग्वाही दिली. काळाची पावले ओळखून प्रतिक कदम यांच्या नेतृत्वात पुन्हा प्रगती फाउंडेशन कार्यरत झाले अन सध्याच्या काळात ओमायक्रॉनचा वाढता धोका लक्षात घेऊन लसीकरणाची ही मोहीम पुन्हा एकदा सुरु केली असून, आज गेले ६ दिवस हा उपक्रम सुरू आहे. चार हजार नागरीकांचे लसीकरण आपण केले ही बाब अभिमानाची आहे, असे त्यांनी सांगितले.
दरम्यान, फाउंडेशनचे अध्यक्ष म्हणाले की, नागरिकांच्या आरोग्याला आमची प्राथमिकता असणार असून हि लसीकरण मोहीम इतर लसीकरण मोहिमेसारखी नक्कीच यशस्वी होईल. ’व्हॅक्सीन ऑन कॉल’ हा उपक्रम हाती घेण्यात आला असून या अंतर्गत परिसरातील नागरिकांच्या मागणी नुसार त्यांना दुचाकीवर जाऊन मोफत लसीकरण करण्यात येणार आहे, असे त्यांनी स्पष्ट केले.
