महाराष्ट्र न्युज नेटवर्क
बार्शी : अमली पदार्थ विरोधी जनजागृती मोहीमेअंतर्गत बार्शी तालुका पोलीस ठाणे यांच्या वतीने मौजे आगळगाव येथील लोकसेवा उच्च माध्यमिक विद्यालयात आज जनजागृती कार्यक्रमाचे आयोजन करण्यात आले. कार्यक्रमास शालेय विद्यार्थी तसेच आगळगाव ग्रामस्थ मोठ्या संख्येने उपस्थित होते.
कार्यक्रमाची सुरुवात सकाळी 10 वाजता करण्यात आली असून तो 11.30 वाजता यशस्वीपणे संपन्न झाला. या वेळी विद्यार्थ्यांना अमली पदार्थांचे दुष्परिणाम, त्यापासून होणारे शारीरिक-मानसिक नुकसान तसेच अमली पदार्थांना पूर्णपणे दूर ठेवण्याचे आवाहन करण्यात आले. कार्यक्रमात एकूण 450 विद्यार्थी हजर होते.
या उपक्रमास बार्शी तालुका पोलीस स्टेशनचे सहाय्यक पोलीस निरीक्षक दिलीप ढेरे, पोलीस उपनिरीक्षक सुधीर गुळमे, पोहेकॉ. बबन चौधरी, पोकॉ. ओम दासरे यांची उपस्थिती होती. तसेच लोकसेवा विद्यालयाचे मुख्याध्यापक चौधरी सर, शालेय समिती अध्यक्ष सागर गरड , सरपंच पुतळा नानी गरड, सेवानिवृत्त शिक्षक लांडगे स व मांगलकर, तसेच समाजकार्यकर्ते सचिन मडके व बबन गायकवाड उपस्थित होते.
पोलीस विभागातर्फे अमली पदार्थमुक्त समाजाच्या दिशेने अशा जनजागृती उपक्रमांची मालिका पुढेही राबविण्यात येणार असल्याचे यावेळी सांगण्यात आले.
Latest Articles
