महाराष्ट्र न्यूज नेटवर्क : सुनीलकुमार डुंगरवाल
भूम : नगराध्यक्ष संजय गाढवे यांच्या वाढदिवसाच्या निमित्ताने दि.२१ जानेवारी रोजी दुपारी ३ वाजता २१ लाखांच्या भव्य आणी थरारक कुस्त्यांचे आयोजन करण्यात आले आहे.
ग्रामदैवत आलमप्रभूच्या पायथ्याशी असलेल्या कुस्ती संकुल येथे या स्पर्धा होणार आहेत. अशी माहिती वस्ताद मामू जमादार यांनी दिली. जिल्हा परिषदचे उपाध्यक्ष धनंजय सावंत यांनी दिलेल्या ५ लाख रुपयांच्या बक्षीसासाठी लढत होणार आहे. ती लढत महाराष्ट्र केसरी सिकंदर शेख व पंजाब केसरी भोला पंजाबी (पंजाब) यांच्यात होणार आहे. तर नगराध्यक्ष संजय गाढवे यांच्या तर्फे देण्यात आलेल्या ३ लाख रुपये बक्षीसासाठी द्वितीय क्रमांकाची कुस्ती दादा मुलाणी (कुडुवाडी) व आन्ना बिरमले (सेनादल), तृतीय क्रमांकाची कुस्ती मनोजमाने (कुडुवाडी) व ऋषिकेश आर्किले (पुणे), बंटीकुमार (खवज पूर (दिल्ली) व अनिल जाधव (विहाळ) यांच्यात होईल. या शिवाय अन्यही मोठ्या आणि थरारक कुस्त्या होणार आहेत. तरी सर्व नागरिकांनी या थरारक अशा कुस्त्यांचे साक्षीदार व्हावे असे आवाहन आयोजकांकडून करण्यात आले आहे.
