संयोगिता गाढवे यांच्या वतीने आयोजन
महाराष्ट्र न्यूज नेटवर्क : सुनीलकुमार डुंगरवाल
भूम : मकरसंक्रांतीच्या निमित्ताने व राज्याचे आरोग्यमंत्री प्रा. डॉ. तानाजी सावंत यांच्या वाढदिवसानिमित्त न्यू होम मिनिस्टर खेळ पैठणीचा हा स्त्रियांसाठी खास कार्यक्रम आज आयोजित करण्यात आला आहे.
भूम शहरातील महिलांसाठी बक्षिस योजनापर कार्यक्रम आहे. जिल्हा नियोजन समिति सदस्या संयोगिता गाढवे यांच्या वतीने कार्यक्रम आयोजित करण्यात आला आहे.
कार्यक्रमाचे मुख्य आकर्षण क्रांती नाना मळेगावकर प्रस्तुत न्यू होम मिनिस्टर खेळ पैठणीचा या कार्यक्रमाचे आयोजन करण्यात आले आहे. शुक्रवारी (दि. १) सायंकाळी ५ वाजता कृषी उत्पन्न बाजारसमितीच्या प्रांगणात कार्यक्रम होणार आहे.
या कार्यक्रमाचे प्रमुख आकर्षण अभिनेत्री सोनाली पाटील, अक्षता सावंत, मधुरा कुंभार या असणार आहेत. या न्यू होम मिनिस्टर खेळ पैठणीचा या कार्यक्रमातील विजेत्या महिलांना बक्षिस देण्यात येणार आहे.
यामध्ये प्रथम बक्षिस स्कुटी, व्दितिय बक्षिस डबल डोअरचे फ्रिज, तृतीय बक्षीस स्मार्ट टी व्ही, चौथे बक्षिस वॉशिंग मशिन आहेत. यावेळी सहभागी महिलांच्या कूपनमधून लकी ड्रा पद्धतीने विजेत्या महिलांना ५१ पैठणी व २१ मिक्सर बक्षिस देण्यात येणार आहेत. या कार्यक्रमाचा लाभ जास्तीत जास्त महिलांनी घेण्याचे आवाहन माजी नगराध्यक्षा संयोगिता गाढवे यांनी केले आहे.
