महाराष्ट्र न्यूज नेटवर्क : सुनीलकुमार डुंगरवाल
भूम : श्रीराम नवमी निमित्त श्रीराम मंदीर येथे दि ९ ते २४ एप्रील या कालावधीत उत्सवाचे आयोजन करण्यात आले असून त्या निमित्ताने भरगच्च कार्यक्रम होणार आहेत. या कार्यक्रमाचा लाभ घ्यावा असे आवाहन श्रीराम संस्थानच्या वतीने करण्यात आले आहे.
दि ९ ते १६ एप्रील या कालावधीत या आठ दिवसाच्या कावावधीत श्रीरामाच्या मुर्तीस अभिषेक, दुपारी महिला भजन, सायंकाळी उपासना व आरती, रात्री पुरुषांच्या भजनी मंडळाचे कार्यक्रम होणार आहेत. दि १७ रोजी रामजन्म सोहळ्यानिमित्त ह. भ. प. सुनिल महाराज बडवे यांचे किर्तन होईल. दुपारी बारा वाजता फुले उधळून जन्म सोहळा साजरा केला जाईल.
त्यानंतर पाळणा, महाआरती व रात्री श्रीरामाची कसबा विभागातुन मिरवणुक होणार आहे. दि १८ रोजी सकाळी ८ ते ११ शहरातुन भिक्षा कार्यक्रम होईल. रात्री भजन होईल. दि १९ रोजी सायंकाळी ह. भ. प. श्रीराम महाराज केजकर यांचे नारदिय किर्तन होवुन प्रभु श्रीरामाचा सीता स्वयंवर सोहळा सायंकाळी ७ वाजता होईल.
रात्री श्रीरामाची गरुड देवावरुन कसबा विभागातुन मिरवणूक काढण्यात येईल. दि २० रोजी रात्री ९.३० वा ह. भ. प. ढगे महाराज यांचे किर्तन, दि. २१ रोजी रात्री सुयोग केसकर यांचे नारदिय किर्तन, दि २२ रोजी ह. भ. प. चंद्रकलाताई पाटील यांचे किर्तन, दि २३ रोजी पहाटे हनुमान जयंती सोहळा व रात्री संजय गरुड यांचा सुगम संगीताचा कार्यक्रम होईल. पहाटे श्री हनुमान जयंती सोहळा होईल. दि. २४ रोजी महाप्रसाद होवुन रात्री तालुका परिसरातील भजनाचा हरीजागर होवुन उत्सवाची सांगता होणार आहे.
