दरोडा व वाहनचोरी विरोधी पथक २ : गुन्हे शाखेची कारवाई
महाराष्ट्र न्युज नेटवर्क : अभिजित डुंगरवाल
पुणे : वाहन चोरी करणाऱ्या अट्टल गुन्हेगारास अटक करण्यात दरोडा व वाहनचोरी विरोधी पथक २, गुन्हे शाखेला यश आले आहे.
यश झेंडे, (वय १९ वर्षे, रा. तात्या झेंडे यांच्या खोलीत भाड्याने, नारायण नगर, शिवशंभु शाळेजवळ, फुरसुंगी) याला ताब्यात घेण्यात आले आहे. आरोपीकडुन ४,२०,००० रुपयाच्या एकुण ९ दुचाकी वाहने हस्तगत करण्यात आल्या आहेत.
दरोडा व वाहनचोरी विरोधी पथक २ मधील पोलीस अधिकारी व अंमलदार हे हडपसर पोलीस स्टेशनच्या कार्यक्षेत्रात गस्त करीत होते. पोलीस अंमलदार शिवाजी जाधव यांना माहिती मिळाली की, यश झेंडे याच्या कब्जात मिळुन आलेली दुचाकी ही चोरीची आहे.
त्याला ताब्यात घेऊन, त्याच्याकडे अधिक तपास केला असता, त्याने व त्याच्या एक साथीदार असे दोघांनी मिळून पुणे शहर व पिंपरी चिंचवड आयुक्तालय तसेच पुणे ग्रामीणच्या कार्यक्षेत्रातुन दुचाकी वाहने विक्री करण्याच्या उद्देशाने चोरी केली होती.
आरोपीचे हडपसर, मुंढवा, खडक, लोणी काळभोर, चिंचवड, सासवड, उरुळी कांचन या पोलीस स्टेशन कडील ९ गुन्हे उघडकीस आलेले आहेत. ही कारवाई पोलीस उपआयुक्त, अमोल झेंडे,सहायक पोलीस आयुक्त गुन्हे- २ सतिश गोवेकर यांच्या मार्गदर्शनाखाली वरिष्ठ पोलीस निरीक्षक अजय वाघमारे, सहायक पोलीस निरीक्षक विवेक पाडवी, पोलीस अंमलदार राजेश अभंगे, दिनकर लोखंडे, अशोक आटोळे, राजेश लोखंडे, विनायक रामाणे, दत्तात्रय खरपुडे, शिवाजी जाधव, ज्ञानदेव गिरमकर, सुदेश सपकाळ, शिरीष गोसावी, राहुल इंगळे, संदीप येळे, विनायक येवले, विक्रांत सासवडकर यांनी केली आहे.
