पाषाण परिसरात दोघांना १८ लाखांचा गंडा
महाराष्ट्र न्यूज नेटवर्क
पुणे : तुमच्या नावाने मुंबईवरून पाठवलेल्या पार्सलमध्ये अंमली पदार्थ सापडल्याचे सांगून महिलेसह एकाची फसवणूक केल्याचा प्रकार पाषाण परिसरात घडला आहे. अनोळखी क्रमांकावरून आलेल्या फोनवर आधी कुरिअर कार्यालयातूनआणि नंतर मुंबईहून सायबर पोलिस बोलत असल्याचे सांगून महिलेची १८ लाखांची फसवणूक केली आहे.
सोमेश्वरवाडी भागात राहणाऱ्या महिलेने चतुःश्रृंगी पोलिस ठाण्यात फिर्याद दिली आहे. अनोळखी क्रमांकावरून संपर्क करून तुमच्या नावाने पार्सल मुंबईतून पाठवण्यात आले आहे. त्यामध्ये ड्रग्ज आहेत.
तसेच, ५ पासपोर्ट, दोन क्रेडिट कार्ड कपडे असा मुद्देमाल आहे. कारवाई टाळायची असेल लगेच पोलिसांना तक्रार करा. नंतर अटकेची भीती दाखवून या प्रकरणातून सोडवण्याचा बहाणा करून ५ लाख रुपयांची फसवणूक केली आहे.
या प्रकरणी पाषाण येथील ३४ वर्षीय युवकाने चतुःश्रृंगी पोलिसांत फिर्याद दिली आहे. तुमचा कॉल मुंबई येथे नार्कोटिक्स सेलला जोडून देतो, असे सांगून डीसीपी बोलत असल्याचा बनाव केला. तुमचे आधार कार्ड दहशतवादाच्या कारवायामध्ये वापरले गेले आहे.
तुमचे खाते व्हेरिफाय करण्यासाठी एक लिंक पाठवली आहे. असे सांगून महिलेने भीतीपोटी एकूण १२ लाख ८८ हजार रुपये पाठवले. याप्रकरणी अज्ञात मोबाइल धारकाच्या विरोधात चतुःश्रृंगी पोलिस ठाण्यात फसवणुकीचा आणि माहिती तंत्रज्ञान कायद्यानुसार गुन्हा दाखल करण्यात आलेला असून पोलिस निरीक्षक नांद्रे तपास करत आहेत.
