जिल्हाधिकारी कार्यालयाकडून यादी शासनाने मागवली
महाराष्ट्र न्यूज नेटवर्क
पुणे : शासनाने लाडकी बहिण योजेनेच्या लाभार्थी महिलांची यादी जिल्हाधिकारी यांच्या कडून तातडीने मागवली आहे.
राखी पौणिमा येत्या १९ ऑगस्ट रोजी आहे. तत्पूर्वी शासन लाडक्या बहिणींच्या बँक खात्यात दोन महिन्याचा हप्ता अर्थात ३०००/- रुपये जमा करणार आहे. राज्यातील लाडक्या बहिणींची यादी अजून अनेक ठिकाणी अपूर्ण आहे.कारणे अनेक आहेत. कुठे संगणक चालत नाहीत. कागदपत्रे मिळत नाहीत, अपलोड होत नाहीत, अधिकारी भेटत नाहीत.
अशा अनेक कारणामुळे बहिणी नाराज आहेत, त्यांना आपले नाव यादीत येणार कि नाही याची चिंता आहे. आता केवळ दहा दिवस उरले आहेत. त्यामुळे शासनाने जिल्हा धिकारी यांना तातडीने या याद्या पाठवण्यास सांगितले आहे.
“लाडकी बहिण योजनेंतर्गत ज्या जिल्ह्यात विधानसभा क्षेत्र निहाय समितीगठीत झाली नसल्यास तसेच विधानसभा क्षेत्र समितीकडून पात्र लाभार्थ्यांची यादी अंतिम झाली नसल्यास जिल्हाधिकारी यांनी त्यांच्या जिल्ह्यातील पात्र लाभार्थी महिलांची यादी पुढील कार्यवाहीस्तव शासनास पाठवण्यात यावी. जिल्हाधिकारी यांनी यथावकाश विधानसभा क्षेत्र समितीची मान्यता घ्यावी.
जर समितीची मान्यता होण्यास अडचण असल्यास संबधित जिल्ह्याचे पालक मंत्री यांची मान्यता घेण्यात यावी”, असा शासन आदेश निर्गमित करण्यात आला आहे. या आदेशास मंत्री मंडळाची मान्यता घेण्यात आली आहे.
विधानसभा निहाय समिती गठीत झाली नसल्यास पालकमंत्री यांची मान्यता घेऊन तातडीने ही पत्र लाभार्थी बहिणीची यादी शासनाकडे पाठवा अशा सूचना सर्व जिल्हाधिकारी यांना देण्यात आली आहे. तसा शासन निर्णय झाला आहे. त्यामुळे आता सर्व बहिणींना बँकेत पैसेकधी जमा होतात, याची प्रतीक्षा आहे.
Latest Articles
