महाराष्ट्र न्यूज नेटवर्क
सोलापूर : सोलापूर जिल्ह्यातील गुन्हेगारांची पोलिसांनी झाडाझडती सुरु केली असून गुन्हेगारावर दबाव वाढविण्यास सुरुवात केली आहे.
मोहोळ, मंद्रुप, कामती व सोलापूर तालुका, पोलीस स्टेशनची कामगिरी आगामी विधानसभा निवडणुकीच्या अनुषंगाने ऑलआऊट मोहीमे दरम्यान अभिलेखा वरील हिस्ट्रीशीटर, रेकॉर्ड वरील आरोपी व २ प्लस मधील आरोपी यांची पाहणी केली असता.
पोलीस अधीक्षक अतुल कुलकर्णी, सोलापूर ग्रामीण यांनी जिल्हयात ऑलआऊट ऑपरेशन ही मोहीम राबविण्यात आली होती. सोलापूर ग्रामीण उपविभागातील मोहोळ, कामती, मंद्रुप व सोलापूर तालुका या पोलीस स्टेशनचे प्रभारी अधिकारी यांच्या नेतृत्वाखाली ऑलआऊट मोहीमे दरम्यान मोहोळ, कामती, मंद्रुप व सोलापूर तालुका पोलीस स्टेशन कडील गुन्हे प्रकटीकरणातील अधिकारी व अंमलदार यांनी सहभाग नोंदविला होता.
सोलापूर ग्रामीण उपविभाग अंतर्गत मोहोळ, कामती, मंद्रुप व सोलापूर तालुका, पोलीस स्टेशनच्या अभिलेखा वरील २ प्लस मधील ५२ आरोपीची पाहणी केली असता, नॉन बेलेबल मधील ४ आरोपी यांचा शोध घेऊन त्यांना ताब्यात घेतले आहे. पोलीस स्टेशनच्या अभिलेखा रेकॉर्ड वरील १४ आरोपी तसेच ११ हिस्ट्रीशीटर यांची पाहणी केली आहे.
मिळुन आलेल्या सर्वांना सोलापूर ग्रामीण उपविभाग सोलापूर उपविभागा मधील पोलीस स्टेशनचे प्रभारी अधिकारी यांनी पोलीस स्टेशनमध्ये बोलावुन त्यांना मार्गदर्शन केले आहे. आगामी विधानसभा निवडणुक २०२४ च्या अनुषंगाने या पुढे ही सोलापूर उपविभागातील कार्यरत असलेल्या पोलीस स्टेशनच्या कार्यक्षेत्रात अशीच कारवाही सुरू राहणार असल्याचे उपविभागीय पोलीस अधिकारी संकेत देवळेकर, ग्रामीण उपविभाग सोलापूर यांनी सांगितले आहे.
