सहकारनगर पोलिसांची कामगिरी
महाराष्ट्र न्यूज नेटवर्क
पुणे : पाठलाग करून खुनाच्या प्रयत्नाच्या गुन्ह्यातील आरोपींना १२ तासांच्या आत सहकारनगर पोलिसांनी जेरबंद केले आहे.
पोलिसांनी दिलेल्या माहितीनुसार, दिनांक ०१ रोजी रात्री ०८:३० वाजता, पंचवटी सोसायटी, धनकवडी, पुणे येथील गेटजवळील स्पीड ब्रेकरजवळ व काळूबाई मंदिराजवळील चायनीज सेंटरजवळ फिर्यादी समीर अनंता खोपडे आणि त्यांचे मित्र समीर कांबळे यांच्यावर मल्लेश कांगळे, रवि चव्हाण, यश चव्हाण, अक्षय मोहिते, दत्ता जाधव, सार्थक कुडले आणि इतर दोन साथीदारांनी जुन्या भांडणाच्या कारणावरून कोयत्याने वार केले होते.
याबाबत सहकारनगर पोलीस ठाण्यात गुन्हा दाखल आहे. गुन्ह्यातील आरोपींचा शोध सहकारनगर पोलीस स्टेशनच्या तपास पथकातील पोलीस अधिकारी आणि पोलीस अंमलदार घेत होते. पोलीस अंमलदार अमोल पवार आणि महेश मंडलीक यांना गोपनीय माहिती मिळाली की, गुन्हा करून आरोपी हे तीन हत्ती चौक, धनकवडी, पुणे येथून दुचाकीवरून पळून जात आहेत.
सहकारनगर पोलीस स्टेशनचे वरिष्ठ पोलीस निरीक्षक छगन कापसे यांनी सहायक पोलीस निरीक्षक सागर पाटील आणि अंमलदारांना तात्काळ कारवाई करण्याचे आदेश दिले. त्यानुसार सहकारनगर पोलीस स्टेशनच्या तपास पथकातील अधिकारी आणि अंमलदारांनी आरोपींचा तीन हत्ती चौकापासून दुचाकीवरून पाठलाग करून पुढील आरोपींना ताब्यात घेतले:
मल्लेश पांडुरंग कांबळे (वय ३८ वर्षे, रा. समाज मंदिरासमोर, शंकर महाराज वसाहत, धनकवडी), रवी आनंद चव्हाण (वय २० वर्षे, रा. गल्ली नं. वी/५४, दुर्गामाता मंदिराजवळ, दुर्गामाता गार्डन, सुप्पर, बिबवेवाडी), दत्ता रामचंद्र जाधव (वय २२ वर्षे, रा. गणपतनगर, पापळ वस्ती, विहरीजवळ, बिबवेवाडी), सार्थक वाळासाहेब कुडले (वय २० वर्षे, रा. पाण्याच्या टाकीजवळ, दुर्गामाता गार्डन जवळ, सुपर इंदिरानगर, बिबवेवाडी),
अक्षय अप्पा मोहिते (वय २४ वर्षे, रा. सरगम चाळ नं.१, खोली नं.४८ जय तुळजाभवानी नगर, गंगाधाम रोड, आप्पर बिबवेवाडी, पुणे), स्वप्नील गणेश जाधव (वय १९ वर्षे, रा. पद्मावती मंदिराजवळ, व्हिआयटी कॉलेजसमोर, सुपर बिबवेवाडी), निरंजन उत्तम देवकर (वय १९ वर्षे, रा. गल्ली नं.०४, आंबामाता मंदिराजवळ सुखसागर नगर, कोंढवा)
तसेच, दोन विधीसंघात बालक अशा एकूण ९ जणांना ताब्यात घेतले. त्यांनी समीर खोपडे आणि समीर कांबळे यांना जुन्या भांडणाच्या कारणावरून कोयत्याने व हाताने मारहाण केल्याचे कबूल केले. त्यामुळे त्यांना सदर गुन्ह्यात अटक करण्यात आली आहे.
सदरची कामगिरी वरिष्ठ पोलीस निरीक्षक छगन कापसे, उत्तम भजनावळे पोलीस निरीक्षक (गुन्हे) यांच्या मार्गदर्शनाखाली सहकारनगर पोलीस स्टेशन तपास पथकाचे सहायक पोलीस निरीक्षक सागर पाटील, सहायक पोलीस उपनिरीक्षक बापू खुटवड, पोलीस अंमलदार अमोल पवार, महेश मंडलिक, निलेश शिवतरे, बजरंग पवार, चंद्रकांत जाधव, किरण कांबळे, अमित पदमाळे, सागर कुंभार, खंडु शिंदे, विशाल वाघ, सागर सुतकर, योगेश ढोले, महेश भगत यांनी पार पाडली आहे.
