कोणी छेडले तर तूच दुर्गा हो

बार्शीत मुली व महिलांच्या संरक्षणासाठी संदेश

महाराष्ट्र न्यूज नेटवर्क

बार्शी : मावळा ग्रुपच्या गणेश विसर्जन मिरवणुकीत कर्मवीर ढोल-ताशा ध्वज, पथक बार्शीच्या वतीने मुली व महिलांच्या संरक्षणासाठी आक्रमक संदेश देण्यात आला.

सध्या देशात बलात्कार, महिलांवरील अत्याचार सारख्या अनेक घटना घडल्या आहेत. मुली व महिलांनी अशा नराधमांना वेळीच रोखण्यासाठी स्वतःचे संरक्षण करणे गरजेचे आहे. हीच बाब लक्षात घेऊन नारीशक्तीच्या सन्मानार्थ मावळा ग्रुपच्या गणेशोत्सव विसर्जन मिरवणुकीत कर्मवीर ढोल ताशा ध्वज पथकच्या वतीने “स्त्री जर ढोल ठोकू शकते तर वेळ आल्यावर नराधमाला पण ठोकू शकते…” आणि “.. बाप्पा आणि बाप दोघांनी सागितलंय कोणी छेडले तर तूच दुर्गा हो…” असा मुली व महिलांच्या संरक्षणासाठी आक्रमक संदेश देण्यात आला.

महिला वर्गाने या संकल्पनेचे कौतुक केले.तसेच मिरवणुक यशस्वी करण्यासाठी पथकाचे अध्यक्ष उमेश काळे यांच्या मार्गदर्शनाखाली पथक प्रमुख प्रवीण परदेशी, हर्षद लोहार, अविनाश बोकेफोडे व पथकातील सर्व वादक प्रतिनिधींनी परिश्रम घेतले.