महाराष्ट्र न्युज नेटवर्क
भूम : मुस्लिम एकता सामाजिक संघटनेच्या पहिला वर्धापन दिन भूम येथे विविध कार्यक्रमांनी साजरा करण्यात आला. वर्धापन दिनानिमित्त यश मंगल कार्यालयात विविध मान्यवरांचा भव्य सत्कार करण्यात आला.
कार्यक्रमाची सुरुवात माजी आमदार ज्ञानेश्वर पाटील यांना श्रद्धांजली अर्पण करून करण्यात आली. मुस्लिम एकता संस्थापक अध्यक्ष असिफ भाई जमादार यांनी संघटनेच्या माध्यमातून अल्पावधीत विविध सामाजिक कार्यातून संघटनेचे नाव उंचावले आहे.
समाजातील सर्व घटकांना एकत्र आणून, संघटनेच्या माध्यमातून राष्ट्रीय एकात्मतेचा आगळावेगळा संदेश दिला आहे. यावेळी भूम नगरीचे विकासरत्न, माजी नगराध्यक्ष संजय नाना गाढवे यांनी मुस्लिम एकता संघटनेला सामाजिक कार्यात सर्वतोपरी मदत करण्याचे आश्वासन दिले आणि वस्ताद नवनाथ आप्पा जगताप यांनी संघटनेचे कौतुक केले.
आरोग्यदूत राहुल घुले यांनी मुस्लिम एकता संघटनेला महाराष्ट्रात मोफत आरोग्य सेवा पुरवण्याचे आश्वासन दिले. न्यायालयीन आणि शिक्षण कामकाजात संघटनेला महाराष्ट्रात जफर जिनेरी यांनी मदत करण्याचे आश्वासन दिले.
कार्यक्रमाच्या शेवटी सरपंच परिषदेच्या महिला प्रदेशाध्यक्ष जिनत सय्यद आणि असिफ जमादार यांनी मुस्लिम एकता संघटनेच्या कार्याचे कौतुक केले. या सामाजिक कार्यक्रमाला उस्मानाबाद, भूम, परंडा, बीड, वाशी, पुणे, सोलापूर, बार्शी, करमाळा, माढा, कुर्डूवाडी, चिंचपूर, वालवड, शेखापूर, चुंबळी, तडवळा, नळदुर्ग या भागांतून हजारोंच्या संख्येने कार्यकर्ते उपस्थित होते.
कार्यक्रमासाठी मुस्लिम एकता सोलापूर जिल्हाध्यक्ष रफिक खान, पुणे जिल्हाध्यक्ष बाबू मुलानी, मार्गदर्शक गौस शेख, शहराध्यक्ष जफर पठाण यांनी परिश्रम घेतले. कार्यक्रमाचे सूत्रसंचालन आलिम सर यांनी केले.
या प्रसंगी कादर खान, अलीम मौलाना (नळदुर्ग), बुबुकर जमादार, बबलू बागवान, माजी नगराध्यक्ष शाकीर शेख, कोहिनूर सय्यद, रामराजे साळुंखे, राजू खान, बाबा कुरेशी (वाशी), सद्दाम काजी, लहुजी शक्ती सेनेचे जिल्हाध्यक्ष अश्विनीताई साठे, रेश्मा शेख (पुणे), जुबेर बागवान, साबेर खान, अज्जू जमादार, शब्बीर सापवाले, पैलवान अखिलेश जमादार उपस्थित होते.
