बाणेरमधील दुकान फोडून २२ हजारांची चोरी

चतु:शृंगी पोलिस स्टेशनमध्ये गुन्हा दाखल

महाराष्ट्र न्यूज नेटवर्क

पुणे : बाणेर रोडवरील छत्रपती शिवाजी महाराज पुतळ्याजवळच्या शिंदे सरकार बिल्डिंगमधील एका दुकानाचे शटर उचकटून चोरट्यांनी २२ हजार रुपये लंपास केले.

या प्रकरणी एका महिलेने (वय ३६, रा. बालेवाडी फाटा, बाणेर) पोलिसात तक्रार दाखल केली आहे. पोलिसांनी दिलेल्या माहितीनुसार, दि. १७ ऑक्टोबर २०२४ रोजी ४ ते ५ वाजेच्या सुमारास ही घटना घडली आहे. फिर्यादी आणि त्यांच्या शेजारील दुकानाचे शटर उचकटून चोरट्यांनी २२,०००/- रुपये रोख चोरी करून नेले. हा तपास पोलीस उपनिरीक्षक रुपेश चाळके करीत आहेत.