महाराष्ट्र जैन वार्ता : अभिजित डुंगरवाल
पुणे : नववे आचार्य श्री तुलसी यांच्यानंतर ५६ वर्षांनी तेरापंथाचे युगप्रधान आचार्य महाश्रमणजी पुण्यात येत आहेत. यानिमित्त पुण्यात २९ मार्च ते २ एप्रिलदरम्यान गंगाधाम येथील वर्धमान सांस्कृतिक केंद्रात प्रवचन व विविध धार्मिक कार्यक्रमाचे आयोजन करण्यात आले आहे.
युगप्रधान आचार्य श्री महाश्रमणजी यांचा जन्म १३ मे १९६२ रोजी राजस्थानमधील सरदार शहरात झाला. ५ मे १९७४ रोजी त्यांची दीक्षा झाली. त्यांचे जीवन निर्माता आचार्य श्री तुलसी आणि प्रेक्षा प्रणेथा आचार्य श्री महाप्रज्ञजी होते.
सध्या आचार्य महाश्रमणजी तेरापंथ धर्म संघाचे ११ वे आचार्य म्हणून प्रतिष्ठित आहेत. महाश्रमणजी सद्भावना, नैतिकता आणि व्यसनमुक्तीचा संदेश देत लोककल्याणासाठी आणि राष्ट्रीय चारित्र्याच्या उभारणीसाठी पायी चालत आहेत. आतापर्यंत त्यांनी नेपाळ, भूतान आणि भारतातील सुमारे २३ राज्यांना स्पर्श करत ६० हजार किलोमीटरहून अधिक पदयात्रा केली आहे.
यात त्यांच्या प्रेरणेने लाखो लोक व्यसनमुक्त झाले आहेत. आचार्य श्री त्यांच्या धवल सेनेसह प्रथमच पुण्यात येत आहेत. ज्यांचे जीवन मानवजातीसाठी प्रेरणास्थान बनले. आचार्य श्री तुलसी यांच्या सूचनेनुसार वैरागी मोहनला (५ मे १९७४) मुनी श्री सुमेरमलजी यांनी सरदार शहरात दीक्षा दिली. मुनी श्री मुदित कुमार नवीन नामकरण झाले.
राजस्थान येथे जैन विश्व भारती सुधर्मा सभेचे आयोजन केले होते. आचार्य श्री तुलसी यांनी मुनी मुदित कुमारजींना ‘महाश्रमण’ पदवी दिली. गंगाशहराच्या विशाल प्रांगणात आचार्य श्री महाप्रज्ञजींनी महाश्रमण यांना ‘युवाचार्य’ पद प्रदान केले. १० ऑगस्ट २००७ रोजी उदयपूर येथे युवाचार्य श्रींच्या कठोर परिश्रम आणि तपश्चर्येचे मूल्यमापन करताना, आचार्य श्री महाप्रज्ञजींनी त्यांना ‘महातपस्वी’ म्हणून संबोधले. ९ मे २०१० रोजी तेरापंथाचे दहावे सूर्य आचार्य महाप्रज्ञजींचा सरदार शहरात देवलोक गमन झाले.
तेरापंथ (आचार्य भिक्षू) शासनाच्या परम्परेनुसार आचार्यांचे निधन होताच युवाचार्य आपोआप आचार्य बनतात. २३ मे २०१० रोजी सरदार शहराच्या प्रांगणात चतुर्विध धर्मसंघाने आपल्या अकराव्या अधिष्ठाताचे पदाभिषेक सोहळ्याचे आयोजन केले होते. तपस्या, धर्माचे ज्ञान, तत्त्वज्ञान, चारित्र्य आणि आचरणात तल्लीन झालेल्या श्री महाश्रमणजी यांच्या समर्थ नेतृत्वाखाली पवित्रता, तेज, गांभीर्य अधिकाधिक वाढत राहो, हीच माझी सदिच्छा. – राजेंद्र तलेसरा.
