महाराष्ट्र न्युज नेटवर्क
पुणे : पुणे जिल्हयातीललोकसभा निवडणूक अंतर्गत जिल्ह्यातील सर्व चार लोकसभा मतदारसंघांची मतमोजणी मंगळवारी होत आहे मतमोजणीसाठी निवडणूक यंत्रणा सज्जझाली आहे. जिल्ह्यातील चारहीएकाच वेळी सकाळी आठ वाजता मतमोजणीला सुरुवात होणार आहे, निकाल दुपारी तीन पर्यंत लागेल, अशी माहिती जिल्हाधिकारी तथा जिल्हा निवडणूक अधिकारी डॉ. सुहास दिवसे यांनी दिली.
जिल्ह्यात बारामतीची लढत सर्वाधिक चुरशीचीसमजली जात आहे. तेथील निकालावर मोठ्या पैजा लागल्या आहेत.बारामती आणि पुणे लोकसभा मतदारसंघांची मतमोजणी कोरेगावपार्क येथील भारतीय अन्न महामंडळाच्या गोदामामध्ये होणार आहे,
तर शिरुर लोकसभा मतदारसंघाची मतमोजणी रांजणगाव (ता. शिरूर) येथील महाराष्ट्र औद्योगिक वखार महामंडळाच्या गोदामामध्ये आणि मावळ लोकसभा मतदारसंघाची मतमोजणी बालेवाडी येथील शिवछत्रपती क्रीडा संकुलातील वेटलिफ्टिंग हॉलमध्ये होणार आहे. सकाळी ईव्हीएम यंत्रे आणि टपाली मतपेट्या ठेवलेल्या सुरक्षा कक्षांचे (स्ट्राँग रुम) सील काढले जाईल.
मतमोजणी कक्षातील सर्व कामकाजाचे सीसीटीव्हीद्वारे संपूर्ण रेकॉर्डिंग केले जाणार असून, व्हिडीओ कॅमेराद्वारेही चित्रीकरण केले जाणार आहे. मतमोजणीची फेरीनिहाय आकडेवारी वेळोवेळी घोषित केली जाणार आहे.
मावळ लोकसभा मतदारसंघाच्या ईव्हीएम मतमोजणीसाठी १६२ मतमोजणी सहायक, १३७ मतमोजणी पर्यवेक्षक आणि १५८ सूक्ष्म निरीक्षक, पुणे लोकसभेसाठी १६८ मतमोजणी सहायक, १५९ मतमोजणी पर्यवेक्षक आणि १६३ सूक्ष्म निरीक्षक, बारामतीसाठी १६४ मतमोजणी सहायक, १५२ मतमोजणी पर्यवेक्षक आणि १५३ सूक्ष्म निरीक्षक, शिरुरसाठी १६२ मतमोजणी सहायक, १५२ मतमोजणी पर्यवेक्षक आणि १६६ सूक्ष्म निरीक्षकांची नेमणूक करण्यात आली आहे.
ईव्हीएम मतमोजणीसाठी एकूण ६५६ मतमोजणी सहायक, ६०० मतमोजणी पर्यवेक्षक आणि ६४० सूक्ष्म निरीक्षक असे एकूण १ हजार ८९६ अधिकारी तैनात असतील, तर टपाली व ईटीपीबीएस मतमोजणीसाठी ४७ मतमोजणी पर्यवेक्षक, ६१ मतमोजणी सहायक आणि ५८ सूक्ष्म निरीक्षक असे १७४ याप्रमाणे एकूण २ हजार ७० मनुष्यबळ नियुक्त केले आहे.
पुणे व बारामती लोकसभा मतदारसंघाच्या मतमोजणीसाठी येणारे मनुष्यबळ व उमेदवार तसेच उमेदवारांचे प्रतिनिधी, नागरिक यांच्यासाठी वाहनतळाची पुरेशी व्यवस्था करण्यात आलेली आहे. नागरिकांसाठी रोही व्हिला लॉन्स लेन नं.७, कोरेगाव पार्क येथे ६०० ते ७०० वाहनक्षमतेचे दुचाकी व चारचाकी वाहनतळ तर द पूना स्कूल अॅण्ड होम फॉर द ब्लाईंड ट्रस्ट, नॉर्थ मेन रोड, कोरेगाव पार्क येथे प्रशासकीय अधिकारी, कर्मचारी व नागरिकांसाठी ८०० ते ९०० वाहनक्षमता असलेल्या चारचाकी वाहनतळाचे नियोजन करण्यात आले आहे.
शिरुर लोकसभा मतदारसंघात मतमोजणी प्रक्रिया ११२ टेबलद्वारे होणार आहे. जुन्नरसाठी १४ टेबल व २५ फेया, आंबेगाव १४ टेबल व २४ फेऱ्या, खेड-आळंदी १६ टेबल व २४ फेप्या, शिरुर १६ टेबल व २७ फेऱ्या, भोसरी २० टेबल व २३ फैया, तर हडपसर विधानसभा मतदारसंघासाठी २० टेबल व २६ फेऱ्या होतील. पोस्टल व ईटीपीबीएस मतमोजणीसाठी १२ टेबल लावण्यात येणार आहेत.
मावळ लोकसभेची मतमोजणी प्रक्रिया २१६, टेबलद्वारे होणार आहे. पनवेल आणि चिंचवड विधानसभासाठी प्रत्येकी २४ टेबल असून, मतमोजणीसाठी २३ फेऱ्या होणार आहेत. कर्जत आणि उरण विधानसभा मतदारसंघासाठी प्रत्येकी २४ टेबल आणि २४ फेऱ्या, तर मावळ आणि पिंपरी विधानसभा मतदारसंघासाठी २६ टेबल लावण्यात येणार आहेत, तर मावळसाठी २४. तर पिपरीसाठी २५ फेऱ्या होतील. पोस्टल व ईटीपीबीएस मतमोजणीसाठी आठ टेबल लावण्यात येणार आहेत.
