महाराष्ट्र न्यूज नेटवर्क
पुणे : एन.डी.ए खडकवासला मिलेट्री कॅम्प येथील शिवमंदिरात चोरी करणाऱ्या तिघांना उत्तमनगर पोलिसांनी अटक केली आहे. ही घटना बुधवारी (दि.26) सायंकाळी सव्वापाच वाजण्याच्या सुमारास घडली होती.
चोरट्यांनी मंदिरातील तांब्याचा कलश व पितळी नाग चोरून नेला होता. याबाबत भास्कर दिनेशचंद सुयाल (वय-27 रा. सरस्वती नगर, शिंदे पार्क जवळ, उत्तमनगर) यांनी गुरुवारी (दि.27) उत्तमनगर पोलीस ठाण्यात फिर्याद दिली आहे.
प्रदीप रामेश्वर मगर (वय-19 रा. नांदेड सिटी, नांदेड फाटा, पुणे), राहुलकुमार देवीदीन यादव (वय-27 रा. साईकृपा सोसायटी, जाधवनगर, धायरी, पुणे), स्वप्नील मारुती चव्हाण (वय-21 रा. जि.प. शाळेजवळ, नांदेड गाव, पुणे) यांच्यावर गुन्हा दाखल करुन अटक केली आहे.
पोलिसांनी दिलेल्या माहितीनुसार एनडीए खडकवासला मिलेट्री कॅम्प येथे शिवमंदिर असून बुधवारी सायंकाळी आरोपी मंदिरात आले. त्यांनी मंदिरातील तांब्याचा कलश व पितळी नाग चोरल्या बाबत पोलीस ठाण्यात तक्रार दिली. पोलिसांनी आरोपींचा शोध घेऊन त्यांना अटक करुन गुन्हा उघडकीस आणला.
एकूण अडीच हजार रुपयांचा ऐवज चोरून नेला. फिर्यादी मंदिरात गेल्यानंतर त्यांना चोरी झाल्याचे लक्षात आले.
Latest Articles
