हवेली पोलीसांनी केली दोघांना अटक
पुणे : शहरात दिवसें दिवस गुन्हेगारी वाढतच आहे. त्यातच सिंहगड रस्त्यावरील कोल्हेवाडी फाटा येथे दोन जणांनी ड्युटीवर असलेल्या पोलीसालाच मारहाण केल्याची घटना घडली.त्यांच्यावर गुन्हा दाखल करण्यात आला आहे.
याप्रकरणी मंगेश शिवाजी फडके (वय ३४, हेवन पार्क, महंमदवाडी, हडपसर) व बापू रोहिदास दळवी (४५, शेल पेट्रोल पंपाशेजारी, महंमदवाडी) यांच्या विरोधात हवेली पोलिस ठाण्यात गुन्हा दाखल करण्यात आला आहे. अधिक माहितीनुसार, सिंहगड रस्ता परिसरामध्ये कोल्हेवाडी शिवनगर रस्ता करण्यासाठी ठेकेदाराला टेंडर पारित करण्यात आले आहे.
पावसाळ्याच्या तोंडावर अर्धवट स्थितीत काम रखडल्याने येथे रोज वाहतूक कोंडी होते. दरम्यान, रविवारी वाहतूक कॉडी हटविण्यासाठी पोलीस अंमलदार ऋषिकेश गायकवाड व आर. सी फडतरे कामावर होते. त्यावेळी एका भरधाव येत असलेल्या कारला त्यांनी थांबवले. व कार रस्त्याच्या बाजूला घेण्यास सांगितले.
त्यावेळी कारचालक मंगेश फडके यांनी कार तशीच रस्त्यावर उभी ठेऊन मी कोण आहे तुला माहीत नाही. तू नोकरी कशी करतो तेच बघतो असे म्हणत पोलिस अंमलदार ऋषिकेश गायकवाड यांना मारहाण सुरू केली.
त्यावेळी दुसरे अंमलदार आर. सी. फडतरे मदतीसाठी धावले असता कारमध्ये बसलेला बापू रोहिदास दळवी कारमधून उतरला आणि पोलीसांना मारहाण केली. गुन्हा दाखल करण्यात आला आहे. आशी माहिती हवेली पोलीसांनी दिली आहे.
