बार्शी शहर पोलिसांची कामगिरी
महाराष्ट्र न्यूज नेटवर्क
बार्शी : बार्शी बस स्थानकात गर्दीचा फायदा घेवुन प्रवाशांचे पैसे चोरणारी बीड येथील टोळी शहर पोलीसांकडुन जेरबंद करण्यात आली आहे.
पोलिसांनी दिलेल्या माहितीनुसार दि.१७ ऑक्टोबर रोजी दुपारी संजय गोपीनाथ पुठठेवाड उसतोडी कामगार ( जामगाव ता .बार्शी ) हे त्यांचे मुलाचे पायाचे उपचारासाठी बार्शी मध्ये आले होते. उपचार करून ते बार्शी सोलापुर जाणारे बस मध्ये चढत असताना फिर्यादीच्या पॅन्टच्या पाठीमागील खिशात ठेवलेले पाकीट त्यात रोख रक्कम ७०००/- रूपये कोणीतरी अज्ञात चोरटयाने चोरले.
पुठठेवाड यांनी फिर्याद दिल्याने पोलिसांनी गुन्हा दाखल केला आहे. सदर गुन्हयातील फिर्यादीस पोलीस उपनिरीक्षक उमाकांत कुंजीर यांनी संशयीत आरोपीचे वर्णन विचारून घेतले व त्याप्रमाणे गुन्हे प्रकटीकरण पथकास तपास करण्याच्या सुचना दिल्या.
त्याप्रमाणे संशयीत आरोपीचा शोध हा बस स्थानक, तुळजापुर रोड, कुर्डवाडी रोड परिसरात शोध घेत असताना पोलीस अंमलदार प्रल्हाद अकुलवार यांना मिळलेल्या गोपनीय माहिती आधारे सदरचे आरोपी हे बार्शी बस स्थानक परिसरातच फिरत असल्याची माहिती मिळाली. त्यानुसार गुन्हे प्रकटीकरण शाखेच्या पथकाने बस स्थानक परिसरात नजर ठेवली.
त्यांना तीन संशयीत इसम हे बस मध्ये चढत असण्याऱ्या लोकांची टेहाळणी करताना आढळून आले. गुन्हे प्रकटीकरण पथकाने त्यांना ताब्यात घेतले ) जमीर उर्फ शौकत जब्बार शेख वय ३० वर्ष रा. तेलगांव चौक बीड ता. जि बीड, २) उसद जमीर शेख वय १८ वर्ष रा. बलभिम चौक खंदक बीड ता.जि बीड, ३) हरून शब्बीर बागवान वय २८ वर्ष रा. शाहु नगर बीड ता. जि. बीड यांना ताब्यात घेतले.
सदर आरोपींकडुन चोरीस गेलेली रक्कम हस्तगत करण्यात आलेली आहे. यातील टोळीप्रमुख जमीर उर्फ शौकत जब्बार शेख हा सराईत गुन्हेगार असुन यांने अनेक जिल्हात चोरी केलेली आहे..
सदरची कामगिरीस पोलीस अधिक्षक अतुल कुलकर्णी अपर पोलीस अधिक्षक प्रीतम यावलकर , उपविभागीय पोलीस अधिकारी श्री. जालिंदर नालकुल यांचे मार्गदर्शनाखाली पोलीस निरीक्षक बालाजी कुकडे, सहा. पोलीस निरीक्षक बाळासाहेब जाधव, सहा. पोलीस निरीक्षक समीर ढोरे, पोलीस उपनिरीक्षक महेश गळगटे, पोलीस उपनिरीक्षक उमाकांत कुंजीर, सहा. पोलीस उपनिरीक्षक अजित वरपे, पोलीस हवालदार अमोल माने, श्रीमंत खराडे, बाळासाहेब घाडगे, बाळकृष्ण डबडे, पोलीस नाईक संगप्पा मुळे, पोलीस शिपाई प्रल्हाद अकुलवार, अंकुश जाधव, सचिन नितनात, सचिन देशमुख, अविनाश पवार, धनराज फत्तेपुरे, राहुल उदार, गणेश अंकुशराव सायबर शाखेचे रतन जाधव यांनी केली आहे.
