तब्बल ५२ लाख रुपयांचा मुद्देमाल जागेवरच नष्ट
महाराष्ट्र न्यूज नेटवर्क
सोलापूर : सोलापूर तालुका पोलिसांनी वडजी तांडा, सिताराम ताडा, मुळेगाव ताडा, पोचु ताडा, सेवालालनगर ताडा, तिऱ्हे ताडा,गणपत ताडा व भानुदास ताडा येथील अवैध दारूच्या हातभट्टया उध्दवस्त करून तब्बल ५२ लाख रुपयांचा मुद्देमाल जागेवरच नष्ट केला तसेच ५ लाख ११ हजार ४५० रूपये किंमतीचा मुद्देमाल हस्तगत केला आहे.
पोलिसांनी दिलेल्या माहितीनुसार पोलीस अधीक्षक अतुल कुलकर्णी, अपर पोलीस अधीक्षक प्रितम यावलकर, उपविभागीय अधिकारी संकेत देवळेकर यांच्या मार्गदर्शनाखाली सोलापूर तालुका पोलीस स्टेशनचे पोलीस निरीक्षक राहुल देशपांडे यांच्या नेतृत्वाखाली ही कारवाई करण्यात आली.
विधानसभा निवडणुक शांततेत पार पाडुन कोणताही अनुचित प्रकार होऊ नये या अनुषंगाने सोलापूर तालुका पोलीस स्टेशनच्या हद्दीतील अवैध गावंठी दारूच्या हातभट्टयावर छापे टाकून त्या उध्वस्त करण्यात आल्या.
वडजी तांडा, सिताराम ताडा, मुळेगाव ताडा, पोचु ताडा, सेवालालनगर ताडा, ति-हे ताडा,गणपत ताडा व भानुदास ताडा, येथे दि.२० ऑक्टोबर ते ०६ नोव्हेंबर या कालावधीत या कारवाया करण्यात आल्या आहेत.
देशी दारूच्या हातभट्टयावर टाकलेल्या छापा कारवाईत एकूण ५२ लाख ७३ हजार ५०० रूपये किंमतीचे त्यामध्ये १ लाख ८०० लिटर गुळमिश्रीत रसायन, ६२० प्लॅस्टीक व ३० लोखंडी बॅरेल मध्ये भरून ठेवलेली गावंठी हातभट्टी दारू तसेच अवैध गावंठी हातभट्टी दारू तयार करणे करीता लागणारे साहित्य व अवैध दारूच्या हातभट्टया उध्दवस्त केल्या गेल्या.
प्लॅस्टीक बॅरेल जागीच फोडुन त्यातील गुळमिश्रीत रसायन जागेवरच नष्ट करण्यात आले आहे. तसेच २५७ लिटर हातभट्टी दारू व ०५ रबरी टयुब नष्ट केले आहेत. तसेच अवैध हातभट्टी दारू तयार करणे करीता लागणारा ४० पोते गुळ पावडर एकूण ३० कि.लो पिकअप वाहनासह ५ लाख ४६ हजार रूपये किंमतीचा मुद्देमाल हस्तगत केला आहे.
पोचु ताडा बक्षीहिप्परगा, वडाळा, बिबीदारफळ व तिऱ्हे येथे अवैधरित्या हातभट्टी दारू बाळगणाऱ्या विरूध्द गुन्हे दाखल करण्यात आले आहेत. दाखल गुन्ह्याचा तपास पोलीस निरीक्षक राहुल देशपांडे यांच्या मार्गदर्शनाखाली सोलापूर तालुका पोलीस स्टेशन कडील पोलीस अंमलदार याचेकडुन होत आहे.
मौजे बोरामणी व कोंडी येथे अवैधरित्या जुगार खेळणाऱ्या एकूण २९ इसमा विरूध्द महाराष्ट्र जुगार अधिनियमान्वये ०३ गुन्हे दाखल केले आहेत त्यामध्ये एकूण ५ लाख ४०० रूपये किंमतीचा मुद्देमाल हस्तगत केला आहे.
आगामी विधानसभा निवडणुक ची प्रक्रिया शांततेत पार पाडुन कोणताही अनुचित प्रकार होऊ नये या करीता यापुढेही अशा अवैध व्यवसाय करणाऱ्या विरूध्द कारवाई करण्यात येणार असल्याचे.सोलापूर ग्रामीण उपविभागीय पोलीस अधिकारी संकेत देवळेकर यांनी सांगितले आहे.
सदरची छापा कारवाई पोलीस अधीक्षक अतुल कुलकर्णी, अपर पोलीस अधीक्षक प्रितम यावलकर, उपविभागीय पोलीस अधिकारी सोलापूर ग्रामीण उपविभाग सोलापूर संकेत देवळेकर, परिविक्षाधिन सहाय्यक पोलीस अधीक्षक अंजना क्रिष्णा व्ही.एस यांच्या मार्गदर्शनाखाली सोलापूर तालुका पोलीस स्टेशन पोलीस निरीक्षक राहुल देशपांडे, पोलीस निरीक्षक कुंदन गावडे यांचे नेतृत्वाखाली सोलापूर तालुका, पोलीस स्टेशन कडील कार्यरत असलेल्या पोलीस अधिकारी व पोलीस अंमलदार यांनी केली आहे.
