खडकी शिक्षण संस्थेच्या प्रांगणामध्ये E-बस सेवेचे उद्घाटन
महाराष्ट्र न्युज नेटवर्क
पुणे ; राष्ट्रीय माहिती तंत्रज्ञान संस्थान (NIIT) आणि ऑटोस प्रयास फाउंडेशन यांच्या वतीने खडकी शिक्षण संस्थेच्या प्रांगणामध्ये E-बस सेवेचे उद्घाटन करण्यात आले. या उद्घाटन प्रसंगी कृष्णकुमार गोयल यांनी तंत्रज्ञानाच्या महत्त्वावर भाष्य केले.
त्यांनी सांगितले की, तंत्रज्ञानाचा अभ्यास ही काळाची गरज आहे आणि विद्यार्थ्यांसाठी तो एक मोठा फायदा आहे. याच ज्ञानाच्या आधारावर विद्यार्थी कुठल्याही स्पर्धात्मक क्षेत्रामध्ये आपले भवितव्य घडवू शकतात आणि समाजाला नव्या विकासाची दिशा देऊ शकतात.
या प्रसंगी संस्थेचे सचिव आनंद छाजेड, संचालक व प्राचार्य संजय चाकणे, कार्यकारी अधिकारी डॉ. गजानन आहेर, राष्ट्रीय माहिती तंत्रज्ञान संस्थेचे माधव कुलकर्णी, विल्सन फर्नांडिस, सुहास वासले, सुनिता भूतान, अजित बनसोडे, सुशील शिंगाडे, रजनी बनसोडे तसेच मुख्याध्यापक नायर, विभाग प्रमुख आणि विद्यार्थ्यांची मोठ्या संख्येने उपस्थिती होती.
एटोस च्या प्रमुखांनी आपल्या मतामध्ये सांगितले की, माहिती तंत्रज्ञान विकसनशील व्यक्तिमत्त्वाचा पाया आहे आणि खडकी शिक्षण संस्थेतील सर्व विद्यार्थी या E-बस सेवेचा पुरेपूर लाभ घेतील.
E-बस सेवेच्या उद्घाटनानंतर, संस्थेच्या शंभरहून अधिक विद्यार्थ्यांना त्यांच्या प्रशिक्षण पूर्ण केल्याबद्दल प्रमाणपत्रांचे वितरण करण्यात आले.
यावेळी, NIIT च्या टीमने विद्यार्थ्यांना मायक्रोसॉफ्ट ऑफिस, डिजिटल लिटरसी, फायनान्शियल लिटरसी आणि इतर सर्व सुविधांची माहिती दिली.
