युनिट ६ गुन्हे शाखा, पुणेची धडाकेबाज कामगिरी
महाराष्ट्र न्यूज नेटवर्क
पुणे: गंभीर दुखापत करून जबरी चोरी करणाऱ्या आणि दोन महिन्यांपासून फरार असलेल्या आरोपीला पुणे शहर गुन्हे शाखेच्या युनिट ६ ने अटक केली आहे.
दि. १४/०१/२०२५ रोजी पोलीस निरीक्षक वाहिद सकटे यांच्या नेतृत्वाखालील पथक गस्त घालत असताना पोलीस अंमलदार नितीन मुंढे यांना माहिती मिळाली की, विमाननगर पोलीस ठाण्यातील गंभीर दुखापत व जबरी चोरीप्रकरणी पाहिजे असलेला आरोपी रोहित ऊर्फ नरेश अवधुत हा सिल्वर ओक सोसायटी, कल्याणीनगर, पुणे येथे येणार आहे.
ही माहिती वरिष्ठांना कळवून नियोजित ठिकाणी सापळा रचण्यात आला. पोलिसांनी आरोपीला शिताफीने अटक करून त्याची विचारपूस केली. त्याने आपले नाव रोहित ऊर्फ नरेश उत्तम अवधुत (वय ३०, राहणार रामवाडी, सिद्धार्थनगर, पुणे) असल्याचे सांगितले. चौकशीनंतर तो गुन्ह्यातील निष्पन्न पाहिजे आरोपी असल्याचे स्पष्ट झाले. त्याला पुढील तपासासाठी विमाननगर पोलीस ठाण्याच्या ताब्यात देण्यात आले.
ही कामगिरी मा. अप्पर पोलीस आयुक्त (गुन्हे) शैलेश बलकवडे, पोलीस उप आयुक्त (गुन्हे) निखिल पिंगळे, सहायक पोलीस आयुक्त (गुन्हे २) राजेंद्र मुळे यांच्या मार्गदर्शनाखाली पोलीस निरीक्षक वाहिद पठाण, पोलीस उपनिरीक्षक रामकृष्ण दळवी, तसेच पोलीस अंमलदार रमेश मेमाणे, बाळासाहेब सकटे, कानिफनाथ कारखेले, नितीन मुंढे, सुहास तांबेकर, ऋषीकेश ताकवणे, सचिन पवार, ऋषीकेश व्यवहारे, बाळासाहेब तनपुरे, समीर पिलाणे आणि प्रतीक्षा पानसरे यांनी बजावली.
Latest Articles
