पुरस्कारासाठी अर्ज पाठविण्याची अंतिम तारीख १५ ऑगस्ट
महाराष्ट्र जैन वार्ता
पुणे : सूर्यदत्त एज्युकेशन फाउंडेशनच्या बन्सी-रत्न चॅरिटेबल वेलफेअर ट्रस्टतर्फे देण्यात येणाऱ्या विविध पुरस्कारांसाठी अर्ज मागविण्यात येत आहेत. समाज घडवणाऱ्या जैन धर्मातील महनीय व्यक्तींना बन्सी-रत्न चॅरिटेबल वेलफेअर ट्रस्टतर्फे दरवर्षी ‘बन्सी-रत्न आदर्श माता-पिता राष्ट्रीय पुरस्कार’, आदर्श परिवार, ‘समाजशिरोमणी’, ‘समाजभूषण’,’समाजरत्न’, ‘मानवसेवा’ पुरस्कार व ‘आयकॉन ऑफ राजस्थान’ पुरस्कार प्रदान करण्यात येतात. सर्व आवश्यक कागदपत्रांसह अर्ज पाठविण्याची अंतिम तारीख १५ ऑगस्ट २०२४ अशी आहे. असे सूर्यदत्त एज्युकेशन फाऊंडेशनचे संस्थापक व अध्यक्ष प्रा. डॉ. संजय बी. चोरडिया यांनी स्पष्ट केले.
प्रा. डॉ. संजय बी. चोरडिया म्हणाले, “पात्र विद्यार्थ्यांना गुणवत्तेचे प्रमाणपत्र, सुवर्ण पदक आणि मानचिन्ह देऊन गौरविण्यात येणार आहे. यासाठी पात्र विद्यार्थ्यांनी आपले अर्ज आणि गुणपत्रक सादर करावेत www.suryadatta.org या संकेतस्थळावर उपलब्ध असलेला गुणवंत विद्यार्थी सन्मान अर्ज (मेरिटोरियस स्टुडन्ट फेलिसिटेशन फॉर्म) भरणे व विद्यार्थ्यांनी गौरव समारंभाला प्रत्यक्ष उपस्थित असणे आवश्यक आहे.
अत्यंत नावाजलेल्या या कार्यक्रमाकरिता ऑल इंडिया अँटी टेररिस्ट फ्रंटचे अध्यक्ष एम. एस. बिट्टा, प्रख्यात योगगुरु डॉ. संप्रसाद विनोद, प्रख्यात अभिनेता रझा मुराद, प्रख्यात आयटी तज्ज्ञ डॉ. दीपक शिकारपूर, विख्यात उद्योगपती आणि समाजसेवक श्री विठ्ठल मणियार, प्रसिद्ध लेखक आणि पासपोर्ट मॅन ऑफ इंडिया डॉ. ज्ञानेश्वर मुळे, भजनसम्राट पद्मश्री अनुप जलोटा, एम.आय.टी वर्ल्ड पीस युनिव्हर्सिटीचे अधिष्ठाता प्रा. डॉ. शरदचंद्र दराडे, प्रख्यात अभिनेत्री सोनाली कुलकर्णी, विपश्यना केंद्र पुणेचे अध्यक्ष डॉ. दता कोहिनकर, तसेच उद्योजक अविनाशजी चोरडिया इत्यादी मान्यवरांनी प्रमुख पाहुणे तसेच तज्ज्ञ मार्गदर्शक म्हणून उपस्थिती लावली आहे.
“जैन समाजातील पुरस्कारांसाठी इच्छुक व्यक्तींनी ‘आदर्श माता-पिता राष्ट्रीय पुरस्कार’, ‘समाज शिरोमणी’, ‘समाजभूषण’, ‘समाजरत्न’, ‘मानवसेवा’ पुरस्कारासाठी अर्ज पाठवावेत. आपली स्वतःची माहिती, परिचयपत्र, फोटो, आजवरच्या उल्लेखनीय गोष्टी, आधी मिळालेले पुरस्कार आदी माहिती, कोणत्या पुरस्कारासाठी अर्ज पाठवत आहात त्याचा उल्लेख करून support@suryadatta.edu.in यावर पाठवावे.
अधिक माहितीसाठी ७४९९९१५६७६ किंवा ८६६९६०२०५८ या क्रमांकांवर संपर्क करावा. सत्कार समिती आलेल्या अर्जाची छाननी करून योग्य व्यक्तींची निवड करेल. सर्व आवश्यक कागदपत्रांसह अर्ज पाठविण्याची अंतिम तारीख १५ ऑगस्ट २०२४ अशी असून, हा सत्कार समारंभ ऑगस्ट महिन्याच्या शेवटच्या आठवड्यात जैन स्थानक, मयूर कॉलनी, कोथरूड, पुणे येथे होणार आहे.
अधिक माहितीसाठी www.suryadatta.org या संकेतस्थळाला भेट द्यावी, अशी माहिती बन्सी-रत्न चॅरिटेबल वेलफेअर ट्रस्टच्या उपाध्यक्षा सुषमा चोरडिया व सचिव सिद्धांत चोरडिया यांनी दिली. यंदा पुरस्काराचे सातवे वर्ष आहे.
यापूर्वी पुढील प्रतिष्ठित व्यक्तींना या पुरस्काराने सन्मानित करण्यात आले आहे. आदर्श माता-पिता राष्ट्रीय पुरस्कार (सुदर्शना आणि दीपचंद पारख, प्रतिभा आणि शाम जाजू, शांताबाई आणि बिर्दीचंद नवलखा, प्रमिलाबाई आणि नौपतलाल साकला, चंचला आणि मोतीलाल सुराणा, शकुंतला व शांतीलाल कोठारी), समाजरत्न राष्ट्रीय पुरस्कार (कमलदेवी कर्नावट, नीता संजय घोडावत, सुशिला ईश्वरदास बंब, सुरेखा कटारिया), समाजशिरोमणी राष्ट्रीय पुरस्कार (रामलाल सिंघवी, विजयकांत कोठारी, प्रा. डॉ. अशोककुमार पगारिया, कांतीलाल मुनोत), मानवसेवा राष्ट्रीय पुरस्कार (विलास राठोड, भारती विजय भंडारी, डॉ. रसिक शेठीया, प्रफुल्ल कोठारी, साधना ललवाणी), समाजभूषण राष्ट्रीय पुरस्कार (ओमप्रकाश रांका, पृथ्वीराज धोका, महावीर नहार), आयकॉन ऑफ राजस्थान पुरस्कार (संतोष चोरडिया, अक्षय जैन, रुचिरा मणियार) यांचा समावेश आहे, असे त्यांनी नमूद केले.
Latest Articles
