महावीर एंटरप्रायजेसमध्ये पारंपरिक भोंडला उत्साहात साजरा

२५ वर्षांपासून संस्कृती आणि परंपरेचा वारसा जपणाऱ्या महावीर एंटरप्रायजेसचा उपक्रम

महाराष्ट्र न्यूज नेटवर्क

पुणे : शिवाजीनगर येथील महावीर एंटरप्रायजेस, स्क्वेअर फीट येथे १३ ऑक्टोबर रोजी नवरात्रीनिमित्त पारंपरिक भोंडल्याचा सोहळा उत्साहात साजरा करण्यात आला. भारतीय संस्कृती आणि परंपरेचे जतन करण्यासोबतच कर्मचाऱ्यांमध्ये एकोपा, आपुलकी आणि एकतेची भावना वृद्धिंगत करण्याच्या उद्देशाने या कार्यक्रमाचे आयोजन करण्यात आले होते.

नवरात्रीच्या तिसऱ्या माळेनिमित्त लाल रंगाची संकल्पना जपत परिसराची आकर्षक सजावट करण्यात आली होती. पारंपरिक वातावरणात भोंडला साजरा करताना आनंद आणि उत्साहाचे वातावरण निर्माण झाले.

सन्मती करण दरडा व दरडा परिवाराच्या वतीने या कार्यक्रमाचे आयोजन करण्यात आले होते. महावीर एंटरप्रायजेसमध्ये गेल्या २५ वर्षांपासून विविध सण आणि सांस्कृतिक उपक्रमांच्या माध्यमातून भारतीय संस्कृती व परंपरांचा वारसा जपला जात आहे.

दिवाळी, मकर संक्रांत, नवरात्र यांसारखे सण पारंपरिक पद्धतीने आणि उत्साहात साजरे करणे ही संस्थेची खासियत आहे. प्रत्येक सणाच्या माध्यमातून संस्कृतीचे महत्त्व जपण्यासोबतच आनंदाचे क्षण सर्वांसोबत वाटून घेण्यावर संस्थेचा भर असतो.

महावीर एंटरप्रायजेसमध्ये सुमारे १७५ कर्मचारी कार्यरत असून, हे सर्वजण केवळ सहकारी न राहता एका मोठ्या कुटुंबाचे सदस्य म्हणून एकत्र येतात.

विविध सण आणि उत्सवांच्या निमित्ताने सर्वजण एकत्र सहभागी होतात. परस्परांमधील जिव्हाळा, आपलेपणा आणि सहकार्याची भावना यामुळे प्रत्येक कार्यक्रम अधिक आनंददायी बनतो.

धन्यकुमार दर्डा यांच्या मार्गदर्शनाखाली गेल्या २५ वर्षांपासून ही परंपरा सातत्याने जपली जात आहे. व्यवसायाच्या जोडीने कर्मचाऱ्यांमधील एकोपा वाढवणे, भारतीय संस्कृतीचा सन्मान करणे आणि प्रत्येक कर्मचाऱ्याला संस्थेचा अविभाज्य भाग असल्याची जाणीव करून देणे, याला महावीर एंटरप्रायजेसमध्ये विशेष महत्त्व दिले जाते.

अशा सांस्कृतिक उपक्रमांमुळे कर्मचाऱ्यांना एकत्र येण्याची संधी मिळते, आपापसांतील संबंध अधिक दृढ होतात आणि भारतीय परंपरांचा वारसा पुढील पिढीपर्यंत पोहोचवण्यास हातभार लागतो. व्यवसायासोबतच नाती जपणारी आणि प्रत्येक आनंद एकत्र साजरा करणारी संस्कृती हेच महावीर एंटरप्रायजेसचे वैशिष्ट्य ठरत आहे.