मंगळसूत्र हिसकावणाऱ्या महिलेला अटक

मागून आलेल्या स्कूल बसच्या चाकाखाली सापडली : सिंहगड रोडवरील घटना

महाराष्ट्र न्यूज नेटवर्क

पुणे : तुळशीबागेत ज्येष्ठ महिलेच्या गळ्यातील मंगळसूत्र जबरदस्तीने ओढून चोरून नेण्याचा प्रयत्न करणाऱ्या महिलेला विश्रामबाग पोलिसांनी अटक केली आहे. ज्येष्ठ महिलेच्या हाताला हिसका देऊन पुढे जाऊन त्यांच्या सुनेच्या गळ्यातील मंगळसूत्र हिसकावण्याचा प्रयत्न करणाऱ्या या महिलेला त्यांनी धाडसाने पकडून पोलिसांच्या हवाली केले.

लक्ष्मी प्रकाश सारवान (वय ५०, रा. कोंढवा) असे अटक केलेल्या महिलेचे नाव आहे. याबाबत मंगल भानुदास भाडळे (वय ६०, रा. बिबवेवाडी) यांनी विश्रामबाग पोलीस ठाण्यात फिर्याद दिली आहे.

ही घटना तुळशीबागेतून काका हलवाई चौकाकडे जात असताना सायली पूजा साहित्य दुकानासमोर रविवारी सायंकाळी ४ वाजण्याच्या सुमारास घडली.

याबाबत पोलिसांनी सांगितले की, फिर्यादी काही महिलांसोबत साखरपुड्यासाठी लागणारे साहित्य खरेदी करण्यासाठी आधी रविवार पेठेत गेल्या होत्या.

तेथून त्या तुळशीबागेत आल्या. तुळशीबागेत एका महिलेने फिर्यादी यांच्या गळ्यातील मंगळसूत्र ओढण्याचा प्रयत्न केला. त्यांनी तिचा हात पकडला.

तेव्हा तिने हिसका देऊन पुढे गेली. फिर्यादी तिच्या मागोमाग जात असताना पुढे गेलेल्या त्यांच्या सुनेच्या गळ्यातील मंगळसूत्र हिसकावण्याचा प्रयत्न या महिलेने केला. तेव्हा त्यांनी तिला पकडले.

ती त्यांच्याबरोबर वाद घालू लागली. त्यामुळे लोक जमा झाले. त्याचवेळी तुळशीबागेत गस्त घालणारे पोलीस तेथे आले. महिलांनी तिला पोलिसांच्या हवाली केले. पोलिसांनी तिला अटक केली असून, सहायक पोलीस निरीक्षक अर्जुन कुदळे तपास करीत आहेत.

बोहरी आळीत दोन पर्स चोरणाऱ्या महिलेला अटक – पुणे : रविवार पेठेतील बोहरी आळी परिसरात खरेदी करणाऱ्या दोन महिलांच्या पर्स चोरणाऱ्या महिलेला फरासखाना पोलिसांनी अटक केली आहे. तिच्याकडे दोन महिलांच्या पर्स मिळाल्या आहेत. सुजाता महादेव जाधव (वय ३६, रा. सर्वोदय कॉलनी, मुंढवा) असे अटक केलेल्या महिलेचे नाव आहे. याबाबत हिंजवडी येथील महिलेने फरासखाना पोलीस ठाण्यात फिर्याद दिली आहे. ही घटना शनिवारी, २२ ऑगस्ट रोजी सायंकाळी रविवार पेठेतील बोहरी आळी परिसरात घडली. पोलिसांनी दिलेल्या माहितीनुसार, फिर्यादी व त्यांचे पती आदिनाथ चौकात डेकोरेशनचे सामान खरेदी करीत होते. खरेदी केलेल्या सामानाचे पैसे दुकानदाराला देण्यासाठी त्यांनी लेदरची पर्स उघडली. त्यातील छोटी पर्स शोधली असता ती मिळाली नाही. त्याचवेळी त्यांच्या शेजारून एक महिला घाईघाईने जाताना दिसली. त्यांनी त्या महिलेला थांबविले. तेव्हा ती वेगाने जाऊ लागली. तिचा संशय आल्याने त्यांनी तिला पकडून रविवार पेठ पोलीस चौकीत आणले. पोलिसांनी तिची चौकशी केल्यावर तिने सुजाता जाधव असे नाव सांगितले. तिच्याकडील पर्सची तपासणी केल्यावर त्यात फिर्यादी महिलेची छोटी पर्स आणि आणखी एक पर्स आढळून आली. तिने रविवार पेठेतून ही पर्स चोरल्याचे सांगितले. सहायक पोलीस निरीक्षक स्वप्नील पाटील तपास करीत आहेत.