आनंद दरबार दत्तनगर येथे ७६ वा प्रजासत्ताक दिन उत्साहात साजरा
देशभक्तीपर गीतं, आकर्षक रांगोळ्या आणि मुलांना खाऊ वाटपाने कार्यक्रम मंगलमय
महारष्ट्र जैन वार्ता
पुणे : ७६ वा प्रजासत्ताक दिन आनंद दरबार, दत्तनगर, कात्रज येथे मोठ्या उत्साहात साजरा करण्यात आला. देशभक्तीपर गीते, आकर्षक रांगोळ्या, मुलांना खाऊ वाटप आणि मान्यवरांचा सन्मान अशा मंगलमय वातावरणात हा सोहळा पार पडला.
आनंद दरबार येथे दरवर्षी राष्ट्रीय व आंतरराष्ट्रीय स्तरावरील क्रीडापटूंना ध्वजारोहणाचा मान दिला जातो. यंदा जिम्नॅस्टिक सिल्व्हर मेडलिस्ट पलक दुगड आणि जुडो सिल्व्हर मेडलिस्ट विश्वजीत गोगावले यांच्या हस्ते सकाळी साडेसात वाजता ध्वजारोहण करण्यात आले.
कार्यक्रमास श्री. चक्रधर स्वामी विद्यालयाच्या कार्याध्यक्ष सुवर्णा कोंढरे, महेंद्रजी कोंढरे, समाजसेवक सूर्यकांत बेलदरे, भरत कवाड, विशाल दुगड, उद्योजक देविदास जाधव उपस्थित होते. उपस्थित मान्यवरांचे स्वागत आनंद दरबार ट्रस्टींच्या हस्ते करण्यात आले.
आनंद दरबार ट्रस्टी डॉ. अंकिता धोका यांनी ‘गुरु आनंद मेडिकल सेवा’च्या माध्यमातून अल्प दरात गरजू नागरिकांना आरोग्य सेवा पुरवल्याची माहिती दिली. या सेवेमुळे हजारो नागरिक लाभान्वित झाले आहेत.
मानव सेवेच्या अनोख्या उपक्रमासाठी सुवर्णा कोंढरे आणि देविदास जाधव यांनी शुभेच्छा दिल्या. कार्यक्रमाचे प्रस्ताविक आणि उपस्थितांचे स्वागत आनंद दरबारचे अध्यक्ष बाळासाहेब धोका यांनी केले.
श्री. चक्रधर स्वामी विद्यालयातील विद्यार्थ्यांनी मान्यवरांच्या समोर लेझीम प्रात्यक्षिके सादर केली. कार्यक्रम यशस्वी करण्यासाठी दिलीप संचेती, सुभाष पिरगळ, सुभाष लुनावत, प्रमोद राका, प्रकाश भटेवरा, प्रमोद चोरडिया, जवाहर धोका, हेमंत बाफना, सुनीता बाबर, किरण शाह आणि अभय सुराणा आदींनी विशेष परिश्रम घेतले.
