सणासुदीत घरखरेदीची संधी, व्हीटीपी रिअॅल्टी आणि बजाज हाऊसिंग फायनान्सची भागीदारी

१२ महिने गृहकर्जाच्या मासिक हप्त्यांतून सवलत : त्यानंतर ईएमआय ५,९९९ रुपयांपासून सुरू

महाराष्ट्र न्यूज नेटवर्क

पुणे : सणासुदीच्या काळात घरखरेदी अधिक सुलभ करण्यासाठी व्हीटीपी रिअॅल्टी आणि बजाज हाऊसिंग फायनान्स लिमिटेड यांनी प्रथमच भागीदारी केली आहे. या भागीदारीअंतर्गत निवडक निवासी प्रकल्पांमधील पात्र ग्राहकांसाठी विशेष गृहखरेदी योजना सादर करण्यात आली आहे. या योजनेमुळे ग्राहकांना घरखरेदीच्या सुरुवातीच्या टप्प्यात आर्थिक नियोजनासाठी अधिक लवचिकता मिळणार आहे.

या योजनेअंतर्गत पात्र ग्राहकांना सुरुवातीचे १२ महिने गृहकर्जाचे मासिक हप्ते भरण्यातून सवलत मिळणार आहे. त्यानंतर उपलब्ध पर्यायांनुसार मासिक हप्ते (ईएमआय) ५,९९९ रुपयांपासून सुरू होतील.

सुरुवातीच्या हप्तेमाफीसह विशेष हप्ता योजनेचा एकत्रित कालावधी कमाल ३६ महिन्यांपर्यंत असणार आहे. मात्र, संबंधित निवासी प्रकल्पानुसार या योजनेचा कालावधी वेगवेगळा असू शकतो.

योजनेचा लाभ ग्राहकांची पात्रता, कर्जमंजुरी आणि लागू असलेल्या अटी व शर्तींच्या अधीन राहील. व्हीटीपी रिअॅल्टीचे कार्यकारी संचालक आणि मुख्य कार्यकारी अधिकारी सचिन भंडारी म्हणाले, “घर खरेदी करणे हा प्रत्येक कुटुंबाच्या आयुष्यातील महत्त्वाचा टप्पा असतो.

या निर्णयामध्ये आर्थिक नियोजनाची भूमिका महत्त्वाची असल्याची आम्हाला जाणीव आहे. बजाज हाऊसिंग फायनान्ससोबतच्या भागीदारीतून पात्र ग्राहकांना कर्जफेडीचे नियोजन अधिक लवचिकपणे करता यावे, हा आमचा प्रयत्न आहे.

सुरुवातीच्या टप्प्यात हप्ते भरण्यात मिळणारी सवलत आणि त्यानंतरचा परतफेडीचा पर्याय यामुळे ग्राहकांना स्वतःचे घर खरेदी करताना आर्थिक नियोजनासाठी अधिक वाव मिळेल.”

ही योजना मर्यादित कालावधीसाठी उपलब्ध असून, त्यासाठी संबंधित अटी व शर्ती लागू असतील. लागू अटींनुसार या योजनेत बदल करण्याचा किंवा ती मागे घेण्याचा अधिकार व्हीटीपी रिअॅल्टी आणि बजाज हाऊसिंग फायनान्स लिमिटेड यांनी राखून ठेवला आहे. संबंधित सर्व निवासी प्रकल्प महाराष्ट्र स्थावर संपदा नियामक प्राधिकरणाकडे (महारेरा) नोंदणीकृत आहेत.

सहा निवासी प्रकल्पांचा समावेश – व्हीटीपी रिअॅल्टीच्या सहा निवडक निवासी प्रकल्पांतील पात्र सदनिकांसाठी ही योजना लागू करण्यात आली आहे. यामध्ये फ्लामांते बाय व्हीटीपी लक्स, व्हीटीपी सिएलो, व्हीटीपी मोनार्क, व्हीटीपी व्होलारे, अल्टामिरा बाय व्हीटीपी लक्सचा पहिला टप्पा आणि व्हीटीपी ऑरेलियाचा पहिला टप्पा या प्रकल्पांचा समावेश आहे. विशेष योजनेचा कालावधी संपल्यानंतर आणि कर्जाची संपूर्ण रक्कम वितरित झाल्यानंतर नियमित मासिक हप्ते सुरू होतील.

व्हीटीपी रिअॅल्टीविषयी – व्हीटीपी रिअॅल्टी ही पुण्यातील आघाडीची स्थावर मालमत्ता विकासक कंपनी आहे. गेल्या दशकभरात कंपनीने पुण्यातील विश्वासार्ह रिअल इस्टेट ब्रँड म्हणून आपली ओळख निर्माण केली आहे. कंपनीचे कार्यकारी संचालक आणि मुख्य कार्यकारी अधिकारी सचिन भंडारी यांच्या नेतृत्वाखाली कंपनीने ३१ हून अधिक प्रकल्प पूर्ण केले असून, १.६० कोटी चौरस फुटांहून अधिक बांधकाम पूर्ण केले आहे. तसेच, ३ कोटी चौरस फुटांहून अधिक बांधकाम सुरू असून, २२ हजारांहून अधिक कुटुंबे व्हीटीपी रिअॅल्टीशी जोडली गेली आहेत. महालुंगे येथील ‘कोडनेम ब्लू वॉटर’ आणि न्यू खराडी येथील ‘कोडनेम पेगासस’ या दोन मोठ्या टाउनशिप प्रकल्पांच्या माध्यमातून कंपनीने पुण्यातील उदयोन्मुख निवासी परिसरांच्या विकासात योगदान दिले आहे. उत्तम डिझाइन, दर्जेदार बांधकाम आणि ग्राहकांची काळजी या तत्त्वांवर आधारित काम करत कंपनीने रिअल इस्टेट क्षेत्रात आपला विस्तार कायम ठेवला आहे.