पोलीस आयुक्त यांची कारवाई
महाराष्ट्र न्यूज नेटवर्क
पुणे : पुणे शहरपरिमंडळ ५ हडपसर व वानवडी कार्यक्षेत्रांतील पोलिस स्टेशनच्या हद्दीतील ८ गुन्हेगारांवर पोलीस आयुक्त यांच्या आदेशानुसार तडीपारची कारवाई करण्यात आली आहे.
पुणे शहर पोलीस आयुक्त कार्यालयातील गुन्हेगारीला प्रतिबंध करण्यासाठी पोलीस स्टेशनच्या रेकॉर्डवरील व सराईत गुन्हेगारावर ठोस कारवाई करण्यासाठी आदेश दिलेले होते. नमूद आदेशांप्रमाणे परिमंडळ ५ कार्यक्षेत्रांतील सहायक पोलीस आयुक्त हडपसर विभाग व वानवडी विभागाच्या अधिपत्याखाली येणारे वेगवेगळया पोलीस स्टेशनकडील सराईत गुन्हेगाराच्या अभिलेखाचा अभ्यास करुन दि. १२ ऑगस्ट रोजी ८ सराईत गुन्हेगारावर महाराष्ट्र पोलीस कायदा (हद्यपार) कलम ५६ प्रमाणे कारवाई करण्यात आलेली आहे.
हडपसर पोलीस स्टेशनच्या हद्दीतील १, मुंढवा पोलीस स्टेशनच्या हद्दीतील ४, बिबवेवाडी पोलीस स्टेशनच्या हद्दीतील २, मार्केटयार्ड पोलीस स्टेशनच्या हद्दीतील १ असे एकूण ८ सराईत गुन्हेगारांवर महाराष्ट्र पोलीस कायदा (हद्यपार) कलम ५६ प्रमाणे पुणे शहर, पिंपरी चिंचवड व पुणे जिल्हयांतून यांना तडीपार करण्यात आलेले आहे.
तडीपार गुन्हेगार हे त्यांच्या कालावधी मध्ये पुणे शहर, पिंपरी चिंचवड व पुणे जिल्हयामध्ये दिसुन आल्यास तात्काळ पोलीस नियत्रंण कक्ष संपर्क क्र.११२ तसेच जवळील अथवा संबंधित पोलीस स्टेशन किंवा कार्यालयात संपर्क साधुन माहिती कळवावी असे अवाहन पोलिसांनी केले आहे.
तडीपार केलेले गुन्हेगार
आनंद चिंतामणी गायकवाड (वय ५३ वर्षे रा. आनंद निवास कामगार मैदान मुंढवा), शांताबाई यल्लप्पा कट्टीमणी (वय ५२ वर्ष, रा. बालाजीनगर, घोरपडी गांव), अतिश सुरज बाटुंगे – तामचिकर, (वय २५ वर्षे, रा.गायरानवस्ती, केशवनगर, मुंढवा), बापु अशोक जाधव (वय ४७ वर्ष स.नं. २७. अॅमनोरा व्हिक्टरी टॉवरच्या समोर, साडेसतरानळी रोड) विजय सिध्दप्पा कट्टीमणी, ( रा. झांबरेवस्ती, अप्पर इंदिरानगर, बिबवेवाडी), कन्या अभिमन्यु राठोड ( वय ३५ वर्षे,बिबवेवाडी रा. गव्हाणेवस्ती, बाफना ग्राऊंड समोर, गंगाधाम रोड बिबवेवाडी), दिलेर अन्वर खान, (वय ३४ वर्षे, स.नं.५७०, आंबेडकरनगर, मार्केटयार्ड), रवि मारुती चक्के, (वय ३० वर्षे, स.नं.२०३, साडेसतरानळी, वस्ती, हडपसर)
