जितोच्या वतीने भव्य दुचाकी रॅलीचे आयोजन

सर्वधर्मीयांचा उत्स्फूर्त सहभाग : नवकार महामंत्र जपासाठी जनजागृती

महाराष्ट्र जैन वार्ता

पुणे : जैन इंटरनॅशनल ट्रेड ऑर्गनायझेशन (जितो) पुणे चॅप्टरच्या वतीने ‘विश्व नवकार महामंत्र दिवस’ाच्या पार्श्वभूमीवर आज पुणे शहरात भव्य दुचाकी रॅलीचे आयोजन करण्यात आले. या रॅलीस सर्वधर्मीय नागरिकांचा उत्स्फूर्त प्रतिसाद लाभला.

शहराच्या विविध भागांतून एकाच वेळी निघालेल्या या रॅलीत हजारो नागरिक सहभागी झाले होते. नवकार महामंत्र सामूहिक जप सोहळ्याबाबत जनजागृती करणे, हा या उपक्रमाचा प्रमुख उद्देश होता.
९ एप्रिल रोजी सकाळी ७:०२ ते ९:३६ या वेळेत एस. पी. कॉलेज ग्राउंड, टिळक रोड, पुणे येथे नवकार महामंत्राचा सामूहिक जप करण्यात येणार आहे.

भारतासह १०८ देशांतील नागरिक या दिवशी एकत्रितपणे नवकार महामंत्र पठण करीत विश्वशांती व विश्वकल्याणासाठी प्रार्थना करणार आहेत. दिल्ली येथे होणाऱ्या मुख्य कार्यक्रमात पंतप्रधान नरेंद्र मोदी सहभागी होणार असून, ते स्वतः नवकार महामंत्राचा जप करतील आणि नंतर देशवासियांना संबोधित करतील. पुण्यातील कार्यक्रमस्थळी पंतप्रधानांचे भाषण थेट प्रक्षेपणाद्वारे दाखविण्यात येणार आहे.

सदर उपक्रमाचे आयोजन जितो पुणेच्या वतीने करण्यात आले असून, अधिकाधिक नागरिकांनी या ऐतिहासिक सोहळ्यात सहभागी व्हावे, असे आवाहन जितोचे चेअरमन इंद्रकुमार छाजेड, चीफ सेक्रेटरी दिनेश ओसवाल, सेक्रेटरी लक्ष्मीकांत खाबिया, अजय मेहता, प्रवीण चोरबेले, अनिल भन्साळी, रुपेश कोठारी, संजय राठोड, कुणाल ओस्तवाल, अमोल कुचेरिया, संजय जैन, संजय राठोड, राहुल मुथा, राहुल संचेती, रवींद्र दुगड, सचिन जैन, धीरज छाजेड, अभिजित डुंगरवाल, गौरव बठिया, सुयोग बोरा, आकाश ओसवाल, प्रणय भंडारी, रोहन शिंगवी, निधी चोरडिया, सिद्धार्थ गुंदेशा, आकाश जैन, गौरव नहार, भूषण चोपडा, यश रुणवाल, पूनम ओसवाल, एकता भन्साळी, खुशाली चोरडिया, लकीशा मर्लेचा यांनी केले आहे.