पुतण्याने मारहाण केल्याचा घेतला बदला : शिवाजीनगर रेल्वे स्टेशनजवळील घटना
महाराष्ट्र न्युज नेटवर्क
पुणे : सहा महिन्यांपूर्वी पुतण्याने शाळेत अन्य एका विद्यार्थ्याच्या हातावर वार केले होते. त्याचा बदला घेण्यासाठी चौघांनी तरुणाच्या डोक्यावर कोयत्याने वार करून त्याला गंभीर जखमी केले आणि जीवेठार मारण्याचा प्रयत्न केला.
या घटनेत अजय हनुमंता अलगुडे (वय ३२, रहिवासी प्लॉट क्र. ११, रेल्वे स्टेशन, शिवाजीनगर) हे जखमी झाले आहेत. अलगुडे यांच्या फिर्यादीवरून पोलिसांनी अभिषेक गणेश दोरास्वामी (वय १९, रहिवासी प्लॉट क्र. ११, रेल्वे स्टेशन, शिवाजीनगर), सोनू नेटके (वय १९, रहिवासी पाटील इस्टेट) व त्यांच्या दोन साथीदारांविरुद्ध खूनाच्या प्रयत्नाचा गुन्हा दाखल केला आहे. ही घटना शिवाजीनगर रेल्वे स्टेशनजवळील रेल्वे कॉटेजेसजवळ ११ नोव्हेंबर रोजी रात्री सुमारे पावणे अकरा वाजता घडली.
पोलिसांनी दिलेल्या माहितीनुसार, अजय अलगुडे यांच्या पुतण्याने सहा महिन्यांपूर्वी शाळेत अभिषेक दोरास्वामी यांच्या हातावर वार केला होता. त्यावरून अभिषेकला राग होता. अजय अलगुडे आणि त्यांचे मित्र रात्री गप्पा मारत थांबले होते; तेव्हा अभिषेक दोरास्वामी हा त्याच्या साथीदारांसह तेथे आला.
त्यांनी मागील भांडणाचे राग संशयित ठेवून अजय अलगुडे यांच्या डोक्याला कोयत्याने वार केला आणि गंभीर जखमी केले. वाचविण्यास आलेल्या मित्रांना धमकी देत त्यांनी “एकही जण वाचणार नाही, एक-एक करुन मारीन” असे म्हणत कोयत्याचा धाक दाखवला त्यानंतर ते पळून गेले. पोलीस उपनिरीक्षक दिग्विजय चौगुले हा तपास करीत आहेत.
Latest Articles
