महाराष्ट्र न्यूज नेटवर्क
बार्शी : राज्याच्या पणन मंत्रालयाच्या वतीने कृषी उत्पन्न बाजार समिती, बार्शीचा कारभार पाहण्यासाठी अशासकीय समितीची नेमणूक केली आहे.
अशासकीय समितीच्या अध्यक्षपदी (मुख्य प्रशासक) विजय राऊत (नाना) यांची तर प्रशासक म्हणून नियुक्ती केली आहे. तसेच या समितीत शाहूराजे संतोष निंबाळकर व ओंकार नानासाहेब धायगुडे यांचीही सदस्य म्हणून निवड करण्यात आली आहे.
निवड होताच मुख्य प्रशासक व प्रशासक यांनी आपला पदभार स्वीकारला. पदभार घेतल्यानंतर बाजार समितीच्या मुख्य कार्यालयामध्ये आमदार राजेंद्र राऊत यांच्या हस्ते विजय राऊत आणि सदस्यांचा सत्कार करण्यात आला.
यावेळी बाजार समितीचे माजी सभापती रणवीर राऊत, सचिव तुकाराम जगदाळे, कर्मचारी, बाजार आवारातील सर्व आडते व्यापारी, हमाल, तोलार, चाळणी कामगार व शेतकरी बांधव उपस्थित होते.
नियुक्तीसाठी पाठवली होती सात नावे – बाजार समितीच्या संचालक मंडळाची मुदत संपल्याने सरकारने सहायक निबंधक उमेश पवार यांची प्रशासक म्हणून नियुक्ती केली होती. प्रशासकीय मंडळाच्या नियुक्तीसाठी सात नावे पाठवली होती, मात्र नियमात बसणाऱ्या तीन जणांची समिती पणन विभागाने गठित केली आहे.
Latest Articles
