दोन हजार बांधकामे पाडली

एमआरडीए ची सलग ९ दिवस अतिक्रमणविरोधी कारवाई

महाराष्ट्र न्यूज नेटवर्क

पुणे : शहराभोवती असलेल्या राष्ट्रीय व राज्य मार्गांवरील अनधिकृत बांधकामांवर पीएमआरडीए (पुणे महानगर प्रदेश विकास प्राधिकरण) ने कारवाईचा बडगा उगारला असून, गेल्या ९ दिवसांत जवळपास दोन हजार बांधकामे जमीनदोस्त करण्यात आली आहेत.

पुणे शहर परिसरात महामार्गालगत अनधिकृत बांधकामांचे प्रमाण वाढले आहे. परिणामी, महामार्गावरील वाहतुकीस अडथळे निर्माण होऊन वाहतूक कोंडी होत होती. त्यामुळे ३ मार्च ते ११ मार्च या कालावधीत पीएमआरडीएने सलग ९ दिवस अतिक्रमणविरोधी मोहिम राबवली.

या मोहिमेत १,९९२ बांधकामांवर कारवाई करत १,९९,२०० चौरस फूट जागा मोकळी करण्यात आली. पुणे-नाशिक रोड, पुणे-सोलापूर रोड आणि चांदणी चौक ते पौड रस्ता या भागातील अनधिकृत बांधकामांवर कारवाई करण्यात आली.

कारवाई करण्यात आलेले क्षेत्र :

पुणे-नाशिक रोड (२६ किमी)

अतिक्रमणे हटवली: ७०२

मोकळे केलेले क्षेत्रफळ: ७०,२०० चौरस फूट

पुणे-सोलापूर रोड (२५ किमी)

अतिक्रमणे हटवली: ७७२

मोकळे केलेले क्षेत्रफळ: ७७,२०० चौरस फूट

चांदणी चौक ते पौड रस्ता (१६ किमी)

अतिक्रमणे हटवली: ५१८

मोकळे केलेले क्षेत्रफळ: ५१,८०० चौरस फूट

एकूण क्षेत्र :

अतिक्रमणे हटवली: १,९९२

मोकळे केलेले क्षेत्रफळ: १,९९,२०० चौरस फूट