समितीच्या सभेत सर्वानुमते निर्णय, नव्या कार्यकारिणीची घोषणा
महाराष्ट्र न्युज नेटवर्क
पुणे : हिंदू आध्यात्मिक सेवा समितीच्या अध्यक्षपदी कोहिनूर ग्रुपचे चेअरमन व सुप्रसिद्ध बांधकाम व्यावसायिक कृष्णकुमार गोयल यांची सर्वानुमते निवड करण्यात आली.
समितीच्या नुकत्याच झालेल्या सभेत ही निवड झाली. यावेळी राष्ट्रीय स्वयंसेवक संघाचे अखिल भारतीय कार्यकारिणी सदस्य सुहास हिरेमठ यांच्या हस्ते नवनियुक्त पदाधिकाऱ्यांना नियुक्तीपत्रे प्रदान करण्यात आली. कार्यक्रमास समितीचे अखिल भारतीय संयोजक गुणवंतसिंग कोठारी आणि पुणे महानगर कार्यवाह सचिन भोसले हे प्रमुख अतिथी म्हणून उपस्थित होते.
समितीचे महामंत्री किशोर येनपुरे यांनी नव्या कार्यकारिणीची घोषणा केली. त्यानुसार उपाध्यक्षपदी पंडित शिवकुमार शास्त्री, संयोजक म्हणून किशोर येनपुरे, सहसंयोजक अॅड. संदीप सारडा, मठ-मंदिर उपाध्यक्ष संजय भोसले, प्रशासकीय संस्था उपाध्यक्ष सीए राधेश्याम अगरवाल व चरणजीतसिंग सहानी, कार्यालय प्रमुख योगेश भोसले, तर कोषाध्यक्ष (कॉर्पोरेट) नितीन पाटणकर, संजय गांधी, नितीन पैलवान आणि गुरुबक्षसिंह मखेजा यांची निवड झाली.
कोष कॉर्पोरेट मार्गदर्शक म्हणून प्रल्हाद राठी, दस्तावेजीकरणाची जबाबदारी प्रकाश ढगे व उदय कुलकर्णी, जाती समूह प्रमुखपदी सिद्धेश कांबळे व राजन बाबू, तर प्रतिष्ठित व्यक्तींशी संपर्क विभागाची जबाबदारी सीए डॉ. केतन जोगळेकर, कुंदन साठे, संतोष डिंबळे, सीए सुनील सुरतवाला आणि राजेश मेहता यांच्याकडे देण्यात आली आहे.
महिला सहभागाला प्राधान्य देत मातृशक्ती विभागाची जबाबदारी अॅड. कीर्ती कोल्हटकर, अनुपमा दरक व विद्या घाणेकर यांच्याकडे सोपवण्यात आली आहे. तसेच मार्गदर्शक मंडळात महेश सूर्यवंशी, राजेंद्र बाठिया, सुभाष परमार आणि सुनंदा राठी यांची निवड झाली आहे.
एकूण सत्तर पदाधिकाऱ्यांचा समावेश असलेल्या या नव्या कार्यकारिणीमुळे समितीच्या कार्याला नवी दिशा आणि ऊर्जा मिळेल, असा विश्वास व्यक्त करण्यात आला.
