सूर्यदत्तचा शिक्षण, साहित्य, कला आणि सामाजिक क्षेत्रातील कार्याचा गौरव
महाराष्ट्र न्युज नेटवर्क
पुणे : शिक्षण, साहित्य, कला आणि समाजसेवा या चारही क्षेत्रांत आपल्या अतुलनीय कार्यामुळे ओळखल्या जाणाऱ्या सुषमा एस. चोरडिया यांना नुकताच पुणे येथे आयोजित तितिक्षा इंटरनॅशनलच्या ‘तितिक्षा कला साहित्य (रौप्य महोत्सवी) संमेलन आणि दशकपूर्ती सोहळा’ मध्ये मानाचा सन्मान प्राप्त झाला.
शिक्षण, साहित्य, कला आणि सामाजिक अशा विविध क्षेत्रांत आपल्या कार्यकर्तृत्वाचा ठसा उमटवणाऱ्या सुषमा चोरडिया यांना सन २०२५ चा अत्यंत प्रतिष्ठेचा ‘नाट्यशारदा मंदाश्री स्त्रीशक्ती पुरस्कार’ प्रदान करून सन्मानित करण्यात आले. समाजाप्रती असलेले त्यांचे अमूल्य योगदान आणि महिला सक्षमीकरणासाठी त्यांनी केलेले कार्य विचारात घेऊन त्यांना या पुरस्काराने गौरविण्यात आले.
हा दिमाखदार सोहळा मोठ्या उत्साहात पार पडला. या कार्यक्रमाचे विशेष आकर्षण म्हणजे, सूर्यदत्त एज्युकेशन फाउंडेशनचे संस्थापक अध्यक्ष प्रा. डॉ. संजय बी. चोरडिया यांनी या सोहळ्याचे अध्यक्षपद भूषविले. आपल्या अध्यक्षीय भाषणातून त्यांनी चोरडिया यांच्या सामाजिक बांधिलकीचे कौतुक केले.
या सोहळ्याला विविध क्षेत्रांतील मान्यवरांची उपस्थिती लाभली होती, ज्यामुळे कार्यक्रमाची रंगत आणि गांभीर्य अधिकच वाढले. “शिक्षण, साहित्य, कला आणि सामाजिक क्षेत्रात आपल्या कर्तृत्वाचा प्रकाश पसरवणाऱ्या सुषमा चोरडिया म्हणजे एक ‘बहुआयामी’ व्यक्तिमत्त्व.
केवळ विचारांनीच नव्हे, तर प्रत्यक्ष कृतीनेही त्यांनी समाजात स्वतःची वेगळी ओळख निर्माण केली आहे. त्यांना मिळालेला हा बहुमान त्यांच्या आजवरच्या निस्पृह सेवेची आणि धडपडीची पोचपावतीच आहे.”
सुषमा चोरडिया यांना प्रदान करण्यात आलेला ‘नाट्यशारदा मंदाश्री स्त्रीशक्ती पुरस्कार’ हा केवळ त्यांच्या व्यक्तिगत कला किंवा साहित्यिक यशाचा गौरव नाही. तितिक्षा इंटरनॅशनल संस्थेच्या मते, हा पुरस्कार स्त्री शक्तीला समाजातील बदल आणि सकारात्मक प्रेरणेच्या वाहक म्हणून स्थापित करण्याचे एक प्रभावी साधन आहे.
“कार्यक्षम आणि आदर्शवादी नेतृत्वाचा सन्मान करून त्यांच्या सामाजिक प्रभावाला व्यापक व्यासपीठ मिळवून देणे, हे ‘तितिक्षा’चे मुख्य ध्येय आहे. संस्थेच्या मते, सौ. सुषमा चोरडिया यांनी साहित्य आणि कलेच्या माध्यमातून सामाजिक परिवर्तनाचा जो वारसा जपला आहे, तो खरोखरच प्रेरणादायी आहे. त्यांचे कार्य समाजाला सकारात्मक ऊर्जा देणारे ठरले असून, या पुरस्काराच्या रूपाने त्यांच्या कर्तृत्वाचा आणि नेतृत्वाचा आज खऱ्या अर्थाने सन्मान झाला आहे.”
कार्यक्रमाचे औपचारिक उद्घाटन सामाजिक क्षेत्रातील उत्तुंग व्यक्तिमत्त्व आणि पद्मश्री पुरस्काराने सन्मानित गिरीश प्रभुणे व पद्मश्री उदय देशपांडे यांच्या हस्ते दीपप्रज्वलनाने करण्यात आले. आपल्या मनोगतात या दोन्ही महर्षींनी साहित्यसेवेतील कार्याचे महत्त्व अधोरेखित करत समाजातील कलात्मक संवेदनशीलता जोपासण्याचे आवाहन केले.
याप्रसंगी व्यासपीठावर समाजसेविका तृप्ती देसाई, सुप्रसिद्ध नंदेश उमप यांच्यासह साहित्य, कला आणि सामाजिक क्षेत्रातील अनेक दिग्गज साहित्यिक आणि कलावंत उपस्थित होते. या मान्यवरांच्या उपस्थितीमुळे संपूर्ण सोहळ्यात एक चैतन्यमय वातावरण निर्माण झाले होते. समाजातील विविध पैलूंवर प्रकाश टाकतानाच, कला आणि साहित्याने कशा प्रकारे सामाजिक परिवर्तनास गती दिली आहे, याचे प्रतिबिंब या संपूर्ण सोहळ्यात उमटलेले दिसले.
सोहळ्यात अनेक प्रतिष्ठित साहित्यिक, समाजसेवी आणि कलावंत उपस्थित होते. प्रमुख पाहुण्यांमध्ये चंद्रकांत कुलकर्णी (साहित्य व कला विभाग), अमित सिंह (संपादक, न्यायाधिकरण), गणेश जोशी (DCP, पुणे) यांचा समावेश होता. तसेच बाळ पुजारे, क्षमा वैद्य, सुजित दातार, योगेश सुपेकर आणि इतर अनेक मान्यवर उपस्थित होते.
सूर्यदत्त एज्युकेशन फाउंडेशनच्या उपाध्यक्षा म्हणून सुषमा एस. चोरडिया या केवळ प्रशासकीय जबाबदारीच सांभाळत नाहीत, तर शैक्षणिक क्रांतीत त्या अग्रभागी आहेत. संस्थापक अध्यक्ष प्रा. डॉ. संजय बी. चोरडिया यांच्या सोबतीने त्यांनी सूर्यदत्तच्या माध्यमातून शिक्षणाचा एक असा परीघ तयार केला आहे, जिथे ‘दर्जेदार शिक्षण’ आणि ‘सामाजिक जाणीव’ यांचा संगम होतो.
केवळ संस्था चालवणे हे त्यांचे ध्येय नसून, समाजातील वंचित आणि गरजू विद्यार्थ्यांसाठी त्यांनी शिक्षणाची दारे खऱ्या अर्थाने खुली केली आहेत. मूल्याधिष्ठित पिढी घडवतानाच समाजाला नवी दिशा देण्याचे मोठे कार्य त्यांच्या मार्गदर्शनाखाली आज आकाराला येत आहे.”
केवळ शिक्षणच नव्हे, तर ‘SWELA’ (सूर्यदत्त विमेन एंटरप्रेन्युअर्स अँड लीडर्स असोसिएशन) च्या अध्यक्षा म्हणून त्यांनी महिला उद्योजकता आणि नेतृत्व विकासालाही एक सशक्त व्यासपीठ मिळवून दिले आहे. त्यांच्या या कार्यामुळे साहित्य, कला, शिक्षण आणि महिला सक्षमीकरण अशा विविध पातळ्यांवर त्यांचा प्रभाव जाणवतो.
तितिक्षा संस्थेच्या मते, सुषमाजींसारख्या व्यक्तिमत्त्वांमुळेच साहित्य आणि कला ही क्षेत्रे सामाजिक परिवर्तनाचे प्रभावी माध्यम बनतात. तितिक्षा इंटरनॅशनलने दिलेला हा सन्मान म्हणजे त्यांच्या आजवरच्या निस्पृह सेवेचा, कष्टांचा आणि त्यांच्या ध्येयवादी नेतृत्वाचा झालेला यथोचित गौरव आहे.”
“सूर्यदत्त एज्युकेशन फाउंडेशनमध्ये ‘स्त्री शक्ती’चा आदर करणे ही केवळ एक प्रथा नसून ती संस्थेची संस्कृती आहे. संस्थापक अध्यक्ष प्रा. डॉ. संजय बी. चोरडिया यांच्या दूरदर्शी नेतृत्वाखाली, महिलांना शैक्षणिक, सामाजिक आणि व्यावसायिक स्तरावर सक्षम करण्यासाठी संस्था सातत्याने प्रयत्नशील असते.
विशेषतः नवरात्रौत्सव आणि जागतिक महिला दिनाचे औचित्य साधून महिनाभर राबवले जाणारे उपक्रम हे याचेच प्रतीक आहेत. या काळात विविध क्षेत्रांत आपल्या कर्तृत्वाचा ठसा उमटवणाऱ्या महिलांना निमंत्रित करून, त्यांच्या जिद्दीचा आणि स्त्रीत्वाचा गौरवपूर्ण सन्मान केला जातो.
महिला सक्षमीकरणाचा हाच विचार आज ‘तितिक्षा’ संस्थेच्या माध्यमातून कृतीत उतरताना पाहून, प्रा. डॉ. संजय बी. चोरडिया आणि सुषमा चोरडिया यांनी मनापासून समाधान व्यक्त केले आहे. स्वतः सामाजिक बांधिलकी जोपासणाऱ्या या दांपत्याने, तितिक्षा संस्थेच्या उपक्रमांचे आणि त्यांच्या निस्पृह कार्याचे कौतुक करून त्यांना पुढील वाटचालीस शुभेच्छा दिल्या आहेत. तितिक्षाचे हे पाऊल समाजाला दिशा देणारे आणि एक नवा आदर्श निर्माण करणारे ठरले आहे.
