पालक मेळाव्यात विद्यार्थ्यांच्या सर्वांगीण विकासावर भर : मोफत वह्या-पुस्तके व गणवेशामुळे शिक्षण सुलभ
महाराष्ट्र न्युज नेटवर्क
भूम : जिल्हा परिषद प्राथमिक शाळा डोकेवाडी (ता.भूम) येथे पालक मेळावा शनिवारी (ता.१५) रोजी सकाळी १० वाजता संपन्न झाला. या पालक मेळाव्यास संबोधित करताना प्रा. महावीर जालन म्हणाले की, गावोगावच्या जिल्हा परिषद शाळा टिकल्या पाहिजेत , याच जिल्हा परिषद शाळेतून गोरगरिबांच्या विद्यार्थ्यांना मोफत व दर्जेदार शिक्षण याठिकाणी घेता येत आहे.
विद्यार्थ्यांना मोफत वह्या, पुस्तक, गणवेश मिळतात. विद्यार्थी यांचा सर्वांगीण विकास होतो. विद्यार्थी गुणवत्ता वाढीसाठी शिक्षकां बरोबर पालकांनी ही विद्यार्थ्यांकडे लक्ष देणे आवश्यक आहे असे प्रतिपादन केले.
यावेळी कार्यक्रमाचे अध्यक्ष मुख्याध्यापक संजय क्षीरसागर, तर प्रमुख पाहुणे म्हणून शालेय व्यवस्थापन समिती अध्यक्ष हरिदास आहेर व ग्रामपंचायत सदस्य प्रशांत रोटे होते. या मेळाव्यात विद्यार्थी आरोग्य, शिक्षण, शिस्त, गुणवत्ता या विषयावर सविस्तर चर्चा करण्यात आली.
या प्रसंगी शाळेचे सहशिक्षक बालाजी कुटे, सोमनाथ तौर, संघ लोखंडे, रुपाली गवळी, सविता गिरी, श्रीमती आहेर, शालेय व्यवस्थापन समिती उपाध्यक्ष शिशुपाल साळुंके, सदस्य लक्ष्मण आहेर, रेवन साळुंके, गणेश रोटे, हनुमंत आहेर, विशाल जालन, रगुनाथ आहेर, समाधान जालन, अंगणवाडी सेविका सविता जालन, स्वाती जालन, राजश्री चव्हाण, अश्विनी जालन, अर्चना कावळे, राणी साळुंके, उषा फरतडे, पुनम आहेर, उषा महामुनी आदी माता पालक उपस्थित होत्या.
सूत्रसंचालन सोमनाथ तौर यांनी केले तर आभार मुख्याध्यापक संजय क्षीरसागर यांनी मानले.
